百利冰室

营业中

休息中

我地最钟意去传统旧式既冰室揾食, 今日就去左位于西湾河既百利冰室。呢间冰室开业多年, 仲可以保留传统既食物味道, 无太多花巧野。即炸怀旧虾多士($28/件) 咁特别当然要一试, 大大件, 馅料十足, 虾胶劲弹牙, 必食推介。沙拉骨饭 ($45, 包热饮)沙拉骨系佢地既招牌菜之一, 沙拉骨既份量都几多, 啖啖肉, 酸酸地好开胃, 配上爽脆既西生菜一齐食, 感觉清新。南乳鸡脾煎双蛋茄汁饭 ($45, 包热饮)个蕃茄汁酸酸地好开胃, 鸡脾好香南乳味, 肉质尚算滑溜, 加上少少蔬菜同杂豆, 同2只太阳蛋, 感觉好似以前中学食午餐既味道, 大大碟好抵食。