戀 (太子集團中心) (已結業)

吃货人生，无论咩时侯都需要食。见太耐冇食日菜，同朋友黎尖沙咀食日本菜。两个人叫得好丰盛。串烧、寿司、天妇罗、丼，咩都有。串烧六式拼盘可选择汁烧或盐烧，选择咗汁烧，因为钟意甜甜地嘅烧汁。拼盘好丰富， 一般嘅牛肉、鸡肉都好嫩滑。当中最爱厚烧牛舌同五花荔枝肉。牛舌外少脆内软，口感极佳。五花荔枝肉一咬落肉脂爆晒出嚟，之后慢慢食到荔枝果甜。一边食仲有个小火炉比我地烧一烧串烧，作翻热。特选寿司三式拼盘有三文鱼、吞拿鱼同甜虾。当中最爱食厚切三文鱼腩，极肥美。海老天妇罗有4只大大炸海虾，薄薄炸粉包住弹牙海虾，保留咗天然虾味。食丼嘅话要选择海胆三文鱼丼。海胆足足有3片，好鲜甜，配埋三文鱼子食，拌成碗饭唔成问题。三文鱼都有5片，但冇寿司嘅三文鱼咁有鱼油。朋友比较少食茶渍饭，所以点咗烧三文鱼茶渍饭一齐食。高汤有好香浓，用鲣鱼作主调，配以淡淡紫菜咸味。朋友都好钟意呢个食法。隆重开业有非酒精饮品买一送一，点咗冷泡荔枝红茶同荔枝蓝蝶花梳打。最后点咗红豆抹茶奶冻同枫糖鲜果窝夫作结。