影片
更多
2015-06-05
12255 浏览
真系永远唔会再去呢间餐厅…开呢个户口就系为咗比呢间野差评 真系伏到冇得再伏！！一开头系𠮶栋大厦揾一间食嘅，但一间就唔做午市，一间就食午市都要$200几，所以就见呢间几靓，几si正，又未试过就谂住试吓。 睇落几干净，出面个景都好靓跟住就出去令野食，点知佢唔知系咪午市特别少选择，生肉得10几样野拣，种要我平时最钟意烧嘅牛肉只有一样！只有牛肉片，冇牛柳，冇牛柳粒，冇牛仔骨，乜都冇，叫我食乜鬼！！ 啲牛肉片种要点烧都好韧，烧细旧先好少少…而海鲜只有一样，咖喱鱿鱼，又韧又唔新鲜。烧蔬菜就好少少，食落ok，但种类不多，脆玉瓜都冇。 间野咁样自己标榜嘅，咁既然韩烧啲野咁难食，咁我expect佢buffet𠮶part会做好少少…但原来我咁谂系超错嘅！ 佢有4款炸物放出黎，四样（咖喱角，麦乐鸡，春卷，薯条）都暖暖地，佢地啲味，貌相，质素同你系超市雪柜买番黎再翻热嘅系一样……点解可以整依啲野出黎比人食，𠮶旧类似麦乐鸡嘅我都宁愿食McDonald都唔食佢！熟食都有几多野拣，个人就少食开，只试了鱼香茄子，味道不错。但隔离嘅牌蒸点心亦吸引咗我目光，点知佢原来只系你楼下转角小食店有卖嘅鱼肉烧卖only.
开呢个户口就系为咗比呢间野差评
真系伏到冇得再伏！！
一开头系𠮶栋大厦揾一间食嘅，但一间就唔做午市，一间就食午市都要$200几，所以就见呢间几靓，几si正，又未试过就谂住试吓。
睇落几干净，出面个景都好靓跟住就出去令野食，点知佢唔知系咪午市特别少选择，生肉得10几样野拣，种要我平时最钟意烧嘅牛肉只有一样！只有牛肉片，冇牛柳，冇牛柳粒，冇牛仔骨，乜都冇，叫我食乜鬼！！ 啲牛肉片种要点烧都好韧，烧细旧先好少少…
而海鲜只有一样，咖喱鱿鱼，又韧又唔新鲜。
烧蔬菜就好少少，食落ok，但种类不多，脆玉瓜都冇。
间野咁样自己标榜嘅，咁既然韩烧啲野咁难食，咁我expect佢buffet𠮶part会做好少少…但原来我咁谂系超错嘅！ 佢有4款炸物放出黎，四样（咖喱角，[类似]麦乐鸡，春卷，薯条）都暖暖地，佢地啲味，貌相，质素同你系超市雪柜买番黎再翻热嘅系一样……点解可以整依啲野出黎比人食，𠮶旧类似麦乐鸡嘅我都宁愿食McDonald都唔食佢！
熟食都有几多野拣，个人就少食开，只试了鱼香茄子，味道不错。但隔离嘅牌蒸点心亦吸引咗我目光，点知佢原来只系你楼下转角小食店有卖嘅鱼肉烧卖only...好失望。
另外，佢平日午市系冇刺身食嘅，寿司只有3，4款，想去食呢啲嘅食家要留意。同埋佢寿司唔系话好特别/有特色，浅尝过就冇再食。
最后到到甜品，系比较令我满意嘅部分，佢有雪条，pancake,格仔饼DIY, 无奈比人一种感觉间餐厅系冇人手，全部要客人自己整。本人满意之处在于佢荔枝味雪糕好好食，但cookie n creme 系冇cookie味。粉桨浠，整完pancake一夹就散，提供馅料只有花生酱，炼奶和白砂糖。
总括而言，呢$100系贴钱买难受，真系第一次食buffet食都咁嬲，咁火。下次比多几10蚊食楼下汉阳苑都好过呢间十倍。
题外话/补充资料：
服务员种要一够钟就叫我地走, 明明冇人等紧位
(食咗90mins)
(以上食记乃用户个人意见 , 并不代表OpenRice之观点。)
张贴
