大澳德發 (已結業)

今日第一次嚟食lunch，见到menu红豆冰只系加三蚊，同冻饮同价，就谂住试下，点知就饮左成世人饮过最垃圾嘅红豆冰⋯⋯等咗一阵杯红豆冰就嚟咗，我一见到就心知不妙，因为佢跟嘅系普通嘅幼饮管。相信有常识嘅人都知道，饮红豆冰一定要用粗饮管，因为幼饮管会俾红豆塞住饮唔到⋯⋯我问侍应有无幼饮管，佢话无！唯有照饮啦，饮咗一啖已经饱受惊吓，因为杯红豆冰系热㗎！系热㗎！我无奈之余谂著搅吓佢，睇吓沟匀啲冰会唔会变番冻，点知唔够两分钟所有冰已经溶哂，成杯嘢变咗暖红豆椰奶⋯⋯就系咁，加咗三蚊嘅红豆冰我只系饮咗两啖就无饮。究竟无冰嘅红豆冰仲算唔算系红豆冰呢⋯⋯好心唔识整红豆冰就唔好写落menu，等我嗌番啲正常嘢饮无咁嬲！食物叫咗番茄汤乌冬、金菇肥牛跟蒜蓉包，味道正常。