爭鮮迴轉壽司 (鴻威大廈)

营业中

休息中

香港地方吋金尺土就系人都知嫁啦, 咁如果响购物区想揾张凳坐下应该都算系难过登天嘅事情黎嘅, 咁本人同女友响旺角行街行得耐, 大家都唔系特别肚饿想食野, 不过又想揾个地方坐下, 经过就见到间争鲜有空位, 咁争鲜出名抵食夹大件就系人都知嫁啦, 最好就系冇最低消费, 所以就去坐番三两个字, 食件寿司饮啖茶休息下啦争鲜嘅茶包, 茶味唔差嘅, 起码本人用两包都好融好够味三文鱼寿司, 呢度嘅三文鱼色水比寿司郎嘅鲜红色一点, 寿司郎果d 好似用滚水滚渌过一次咁带白, 呢度系视觉上正常得多, 口感就鱼生软棉饭就刚好, 因为回转关系, 饭微硬系正常嘅, 不过可惜了三文鱼, 整体味道系鲜甜嘅三文鱼刺身, 除非唔想食饭, 否则我会建议叫番寿司比较好, 虽然刺身切得比较厚身, 但又较窄, 好似一粒粒多过一片片, 有时如果有筋位就会好影响口感, 但三文鱼质素都系有保证嘅芝士虾寿司, 因为回转关系所以冻哂, 芝士冇太多咸香味, 虾系新鲜冇梅, 口感系爽嘅, 但味道欠奉, 不太建议呢只萤光鱿鱼军舰, 我都唔知佢地叫咩名, 不过系切丝嘅鱿鱼肉混埋黄色嘅籽, 两样口感都系好爽好凉, 鱿鱼冇滑潺潺嘅感觉, 紫菜不太干身所