魂 (已搬遷) 新店位置

个日都系一如已往，我女朋友唔知抽起边条筋话要过海食饭(星期六日，唔洗返工，一般都唔想过海)，咁就谂都无谂揸左架车去铜锣湾，又谂都唔洗谂就泊左入马会，因为唔洗钱。一向系拉面痴的我，当然好直接问佢可唔可以食拉面，佢竟然话可以，难得佢咁顺滩，拿拿声查下OPENRICE有咩推介，系铜锣湾的拉面店原来"魂"的排名系最高。枉我自称拉面痴，我竟然唔知，都系有D唔好意思。依家知道左，当然去试下，个时9点左，餐厅外面仲有6个人排队，不过都等左30分钟先入到去食，可能舖面太细，一入到去，原来已经LAST ORDER，青龙又SOLD OUT，咁又系唔洗谂，ORDER左 "魂"同"太极"。(我钟意食拉面的原因可能系因为无咩选择，因为我本人有选择困难症)几分钟后就有得食，首先试下汤头先，之后再试下面质，叉烧及玉子。1. 汤头：油脂丰富，香味浓郁，胶质程度刚好，太极的汤头更有鲜味。2. 面质：非常一般，似在CITYSUPER买到的，因为我买口过返去煮，面质差唔多一样。3. 叉烧：味道不错，略微再肥一点更好。4. 玉子：都系非常一般，没有蛋味，又唔流心。食完立即走人，因为太窄，食面个时都要就住隔壁的食客，好唔畅快。