譚仔雲南米線 (已結業)

粮尾时间，放工两个share食个经济大大碗米线～以前只得圆枱格局，相信唔少人试过一个人去食嘅时候，比阿姐叫转位几次。而家就唔同，好多分店有细枱同卡位，人流分散左其他分店，转位可能都系一次半次。座位舒服左，好在味道同以前差不多。过桥米线（蕃茄汤底）- 近年新汤底，从字面到卖相都感觉健康少少。每种𩠌都有d，墨丸、牛丸、鱼蛋就各一粒，一般超市丸类味道；牛肉鸡肉猪膶都易咬开；不过话就话感觉健康左，但食得出调味偏咸，蕃茄味唔算浓。麻辣猪耳 - 一贯作风用细猪耳，少肉多脆骨，配合佢地嘅麻辣汁，加上少少芫茜葱粒，变成我耐唔耐就好想食嘅味道。土匪鸡翼 - 皮嘅腌料系好惹味香口，肉系保持一丝丝滑鸡口感。不过唔知点解今次食有其中两只好膻味，可能新旧货捞埋左用？顺带一提，因为水吧先有得斟水，问阿姐攞水饮要正式落单嘅。谭仔话不变，自小食惯呢种味道，迫使我食唔惯同根嘅谭仔x哥。