Bakehouse

营业中

休息中

两星期前嚟过外卖包点，实在太正，仲想再嚟坐低堂食试下，感受下个气氛。不过今次有d晏，大约下午4点到，所以都系下次再早d先试堂食啦。门外玻璃写咗星期一休息，周末同假期就9点才开，平日9点开门。5点就休息喇，所以3点3下午茶完，就差不多喇。Cinnamon Bun 好香玉桂味之外，甜之中有少少咸。中间一层层包之间都有玉桂酱。包面嘅合桃脆脆地，合桃嘅甜同玉桂味原来好夹架~ 玻璃架入面最后一个 Cheese Danish。其他包店嘅芝士包已经唔系我考虑之中好耐，因为实在太油，无咩芝士味，食咗只觉油腻又滞，但又唔饱。不过今次呢个有惊喜呀！表面全部都有烘脆咗嘅芝士，中间都有层层芝士呀，好香！上次食过 Almond Danish，实在太正，买咗两个，即食一个，留一个听日当甜品食~ 表面有薄薄杏仁片，包面烘到又脆又香。切开中间原来仲有杏仁蓉，好真嘅香甜杏仁味呀！White Sourdough 外脆内软，好香麦嘅味道。食面包头都系享受~ 就算第2朝当早餐食都系差唔多~ Seeded Sourdough 系烘香咗嘅种子味，上面𠮶d种子密密麻麻，绝对用心洒上去。返到屋企立即切开嚟食。哗！连中间都好多种子