影片
更多
2019-04-28
933 浏览
Book mark 左咁耐嘅餐厅，今次终于食到喇！之前曾经有机会可以食到佢，最后因为某D事情发展最后冇黎到，星期五晚上来到餐厅，人客唔算多，主要以一对对情侣为主，而且呢度主打嘅美食系铁板烧，感觉上环境清幽，好适合情侣喺呢度庆祝节日！铁板烧套餐有好几款，拣选之下最后拣咗一款最贵嘅套餐，呢款套餐最特别嘅系超大只日本鲍鱼同鹅肝🤤🤤🤤 好有中西合璧既感觉💕第一道前菜，沙律配藜麦，呢一个健康组合我最钟意，藜麦有点硬身嘅口感，配上沙律一齐食感觉好夹，除此之外仲有青瓜以及番茄等等嘅配菜，沙律都唔错㖞！铁人旨花嘢食嘅价钱其实都比较高，不过除咗有质素保证之外，呢度最特别嘅卖点系只要你食铁板烧，厨师会直接系你面前煮嘢食，又送上枱面之前嘅所有步骤都会系你面前日日为你送上，呢一个给睛既景象相信有唔少女仔都会好钟意（包括我在内🤣）日本北海道鲍鱼，呢个鲍鱼实在大得有啲过分！佢嘅size感觉就好似一只青边鲍一样咁大，不过佢系新鲜嘅，有厨师放喺铁板烧开始处理佢嘅一刻，就见到北海道鲍鱼不停郁动，虽然有点残忍，但系又忍唔住系咁望😂😂😂 因为喺北海道出产关系，海水污染程度比较少，所以令佢嘅内脏，所有嘅嘢都可以食落肚，内脏嘅
之前曾经有机会可以食到佢，最后因为某D事情发展最后冇黎到，星期五晚上来到餐厅，人客唔算多，主要以一对对情侣为主，而且呢度主打嘅美食系铁板烧，感觉上环境清幽，好适合情侣喺呢度庆祝节日！
铁板烧套餐有好几款，拣选之下最后拣咗一款最贵嘅套餐，呢款套餐最特别嘅系超大只日本鲍鱼同鹅肝🤤🤤🤤 好有中西合璧既感觉💕
第一道前菜，沙律配藜麦，呢一个健康组合我最钟意，藜麦有点硬身嘅口感，配上沙律一齐食感觉好夹，除此之外仲有青瓜以及番茄等等嘅配菜，沙律都唔错㖞！铁人旨花嘢食嘅价钱其实都比较高，不过除咗有质素保证之外，呢度最特别嘅卖点系只要你食铁板烧，厨师会直接系你面前煮嘢食，又送上枱面之前嘅所有步骤都会系你面前日日为你送上，呢一个给睛既景象相信有唔少女仔都会好钟意（包括我在内🤣）
日本北海道鲍鱼，呢个鲍鱼实在大得有啲过分！佢嘅size感觉就好似一只青边鲍一样咁大，不过佢系新鲜嘅，有厨师放喺铁板烧开始处理佢嘅一刻，就见到北海道鲍鱼不停郁动，虽然有点残忍，但系又忍唔住系咁望😂😂😂
因为喺北海道出产关系，海水污染程度比较少，所以令佢嘅内脏，所有嘅嘢都可以食落肚，内脏嘅位置相对比鲍鱼既肉咸，而且质感亦都同鲍鱼唔同，咬落口比较软身，而鲍鱼肉质非常弹牙有质感，超新鲜！
食完呢个冇耐，鹅肝呢个主角就要出场啦！每一道菜式经过厨师给一双巧手都做到好精致，尤其是装饰方面，令到成个菜式卖相更加好～
红酒煎鹅肝 - 讲真的！我同男朋友一向对于鹅肝都唔系「十分好」，会食但又唔系成日食，唔会钟意到好似食法国餐或者西餐都会叫，不过呢度嘅鹅肝俾我哋嘅感觉同一系食开嘅味道完全唔同，红酒味其实唔太突出，厚切鹅肝放喺多士上面，食落真系好邪恶！
鹅肝既浓郁味唔似一般喺出边食开咁浓烈，相对地觉得佢嘅味道系好平和，配上侧边嘅红酒汁🍷味道层次多左，但两者又配合得好好，唔点好食，点左都好食，因为系两种唔同既味道，就算系一个人食晒成旧鹅肝都唔会觉得好腻口～ 超爱呢个红酒煎鹅肝🤤🤤🤤
餐牌上面有一个特别菜品，系因应每一日嘅食材而作出调整，今日嘅菜品系忌廉白芦笋，白芦笋既味道同普通嘅芦笋有啲唔同，男朋友食到有点回甘味道，而我反而食唔出，反而觉得佢有少少甜，但又唔系好明显～相信系因为用忌廉煮成既效果。
熊本县A5和牛肉，日本唔同产地出产嘅和牛都有唔同嘅分别，而今次食嘅熊本县A5和牛，我哋拣咗三成熟，内里嘅肉质保持到粉嫩色，虽然系A5和牛，望落去脂肪分布都几多，开头仲会以为食落去会好油腻，不过因为用铁板烧嘅关系，有部分油脂会挥发左，嫩嫩既和牛肉食落去好有牛肉嘅香味，最重要系完全唔会觉得肥，厚切之外而且份量都好足够，食完呢个就会明白点解香港人咁钟意食日本嘅和牛👏🏻👏🏻👏🏻😃
清酒鸡汤，呢个系一个着晒火嘅表演！因为有清酒嘅关系所以铁板烧上面会形成火团，最后亦都因为清酒挥发晒所以唔会觉得有酒味，而呢个鸡汤入边亦都有带子，带子只系整左几秒竟放入汤内，半熟状态好好食
最后为我地送上嘅就系呢个和牛炒饭，呢个炒饭好友镬气，炒到一粒粒金黄色，调味方面亦都啱啱好，食到呢个炒饭我都已经饱到唔可以再食嘢啦！
虽然食到好饱，不过原来仲有一个甜品，我又点会错过呢个环节呢，今日有几款雪糕提供，最后冇拣到雪糕反而拣咗柚子雪葩，柚子味好清新嘅感觉，而且因为系雪葩识落比较轻盈，好中意呢个甜品啊♥️因为系庆祝节日所以先至有机会嚟到呢间餐厅，希望下一次再有机会黎呢度食啦😆😆😆 超满足嘅一个晚上
张贴
