覓食家

营业中

休息中

以前系元朗返工成日会去食呢度嘅鸡脾饭难得放假就入嚟元朗回味下，嗌左呢度嘅人气菜式鸡脾饭。呢度嘅脾有3款畀你拣，分别有炸脾、豉油脾、沙姜脾。炸脾依然系一贯成块脸咁大只，由于佢系焗好左先再炸，咬落会口系外脆内嫩好多汁，而且唔会有油腻嘅感觉，仲要热辣辣真系好正。另外我自己钟意再落啲孜然粉、辣粉，个味再出啲。由于佢个饭真系好巨型，所以我今次拣左沙律薯饼，冇咁heavy。薯饼炸得啱啱好，唔会话过火啡黑左，食完脾同薯饼，食返个沙律清新下，顺便解下热气，食完好似冇咁邪恶。整体嚟讲$46咁丰富都几出色，不过要留意返，假日或者用餐时段要预啲时间排队，因为都几多人帮衬架，今次我就礼拜六2点半等左大约35分钟。