覓食家

营业中

休息中

炸髀愛好者必試炸雞髀成塊面咁大，上碟係熱既應該係即叫即炸，做到外皮香脆，肉質都多汁唔柴，唔會話炸到乾哂，鹹香感適中，調味唔會過重。揀咗配湯丁，隻太陽蛋係燶邊嘅係杯奶茶唔夠滑，下次嚟想試埋撈丁，同埋飲吓佢個凍檸多

呢間主打特大雞脾飯，今次叫左佢個至識食雞脾煎蛋飯同豬排煎蛋飯。雞脾炸得好香脆大大隻，再有一包紅辣椒粉。加左落去更惹味好食。另外豬扒都好大塊，大大份！都一樣咁好食

去元朗打波，打完見到間餐廳叫覓食家，見啲野大大份就入去試下。蒜茸汁香煎豬扒煎蛋撈出前一丁，$53。豬扒好大塊，煎蛋可轉太陽蛋，吾要飯可以轉配湯或者撈出前一丁。咖喱汁至識食雞脾煎蛋飯，$51。炸雞脾又香又脆，仲大隻到隻碟都放吾落！都可以揀汁，煎蛋亦都一樣可以轉太陽蛋，都可以轉配湯或者撈出前一丁，多種選擇。

今日想食一個大大隻嘅餐，令自己充滿蛋白質，所以叫咗一間茶餐廳嘅外賣。我用咗唔同嘅角度去分析一下今次嘅餐飲體驗。豉油汁黃金雞扒煎蛋飯有兩大塊炸到金黃色嘅雞扒，呢個份量真係令我驚訝，因為我相信一個男人都應該食唔晒。另外煎蛋液煎得非常之香口，仲有少少青瓜作為伴碟，令到成件事會相對清新。整體嚟講雖然係油炸，但係唔算好油膩亦唔會話太鹹。熱柚子茶柚子茶可以幫助解離，另外我係叫外賣，所以可以另外自己加冰變成自製凍柚子茶。付款方法：信用卡人均消費：$66加兩蚊等於$68改善方案：雞扒份量可以減少，青瓜份量可以增多。

我一個禮拜都嚟呢間嘢食三四次，除咗因為我住附近，到因為佢隻炸髀真係夠大隻⋯但近啲兩三個禮拜雞髀細隻咗好多，之前都會補返可能半塊雞扒，咁我覺得都可以接受嘅⋯但今日食，隻雞髀又細，咩都唔加俾我，但我黎唔係為咗食飯食飽😂我係黎食巨型炸髀⋯我同個侍應反映，佢就話下次嗰隻會大啲，咁我今日唔夠食喎，谷鬼氣，單點多隻雞髀，原本$54一餐，變咗$89⋯你話呢間嘢咁賣點唔係啲雞髀大隻，係好食，咁OK⋯但當你間嘢嘅賣點係啲雞髀大隻嘅時候，隻雞髀唔夠大，係唔係應該換過隻？我之前成日嚟食，我知道佢哋正常size係點⋯未必有下次原本嗰碟散嗌多隻雞脾（我將原本嗰啲嗰隻雞脾，同單點嗰隻雞髀掉咗位，單點嗰隻擺咗喺碟飯到）

【元朗掃街之選·超巨型炸雞髀🍗】#MC帶你去元朗元朗覓食家最出名就係「巨型炸雞髀」，今日就幫大家試試佢💪🏻.🐣至識食雞髀煎蛋飯（連熱飲） 一嚟到，嘩！真係比佢個Size嚇到，足足大過一塊面😱 雞髀香脆不油，外脆內嫩，食落仲有肉汁流出嚟，十分Juicy💦煎蛋飯🍳煎蛋有脆邊，跟配秘製黑椒汁，撈飯、撈意粉、撈出前一丁都十分惹味💥⚡️ 雞髀即叫即炸，價錢合理，份量吸引👍🏻 街坊小店，食物質素高🤤.⭐整體︰7.5/10⭐食物︰8/10⭐環境︰7/10⭐價錢︰9/10.==============================📍覓食家（元朗）地址︰元朗鳳翔路33-43號鳳翔大廈地下4號舖交通︰港鐵元朗站 A 出口==============================.#MC #Ming_Course #MC帶你去元朗 #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #元朗區美食 #元

成日聽人講覓食家啲雞脾簡直大件夾抵食。隻雞脾仲大過我手,而且意粉又多,基本上食完超級飽肚和滿足炸雞脾即叫即炸起,炸到脆卜卜,肉質嫩滑多汁配埋秘製黑椒汁意粉,撈埋一齊食真係幾好味

又入黎大西北啦，大西北黎講元朗真係算係幾多野食，今日比朋友帶左黎食元朗好出名既炸雞比，呢啲真係唔係住係元朗一定唔會食到既好物之一。呢間店一啲都唔起眼仲好平平無奇，入到去同普通茶餐廳差唔多，呢到都係主要食雞比，豬扒都出名，可以配飯定意粉，我特登入黎緊係2要試下佢個雞比啦，一黎到，哇！大大隻仲大隻過我2隻手，其實我2隻手都唔細啦，仲有一隻太陽蛋同啲青瓜做配菜，最尾我又係食唔哂，太飽，一個女仔邊食得咁多，分左啲比朋友食

叫兩個炸髀意粉，唔同汁，因為我見到轉意粉先有汁選擇，再叫個瑞士汁雞翼飯，等唔緊要，其實都肚餓，佢一送黎兩個都係飯，已經講左要意粉，個寫單既應該係聽唔清楚啦，跟住佢地都好好叫廚房換，又等左10分鐘，但期間我見啱啱坐底既客人居然有得食（都係炸髀），有無攪錯。。黎到已經無胃口，跟住見到隔離枱叫炸髀飯，佢竟然比豬扒飯，重話係個客叫豬扒飯，佢無聽錯，甘個客就照食啦。佢地間鋪又唔係大，3個樓面，但就成日錯，唔會再幫襯，bye bye

覓食家 元朗 巨型大雞脾印象中係中學時間黎食過一兩次就再無黎過，突然間想食雞脾就諗起呢間，價錢抵食之選A餐-至識食雞髀煎蛋飯巨型炸雞脾有手咁大、切開肉汁不停流出來，而且無諗過有咁大份、新鮮即炸，外脆、裡面d肉又熱鬧鬧又嫩口，揀左蒜茸汁撈蛋同飯，好有以前懷夠扒房既味道如果白飯唔夠食仲可以添，我諗係怕造成浪費都幾好孜然雞扒條炒飯孜然味唔係出面食串燒果種咁重料、夠鑊器味既炒飯好香、粒粒都分明，仲有炸過既薯仔粒好可口，雞件數都同一個巨雞脾差唔多 🤣真係食得好飽

上星期五大約八點幾行過, 見到店內有位唔使等, 就坐了入去, 原本係坐了門口第一個位, 但那個位好當風, 每當有人出入就好大風, 如果門無刪實都一樣好扯風, 最後轉了坐路中間的二人枱.點了炸脾配沙律及薯餅, 炸脾好大隻, 有肉汁,  但味道一般, 除了鹹味之後食唔太到其他醃料的香味.所以我覺得先滷後咋可能更惹味一點,薯仔沙律唔錯, 但份量好少,  如果大食的朋友應該要叫飯/意粉, 薯餅正正常常, 油多了點, 要用紙巾索一下比較好, 否則會成嘴油.飲品就比較一般,  凍奶茶無乜茶味.但餐廳好似唔需要加一的,  所以甘的份量, 甘的價格, 都好高性格比的, 如果對炸脾味道要求唔太高的話.

從初開業開始食，到之後搬到新店，因疫情及工作關係幾年無嚟，今日心血來潮再返嚟食，水準依然咁好，雞脾夠大肉質夠嫩口有肉汁😍仲有隻太陽蛋煎得剛剛好，蛋汁漏落飯特別開胃😍杯凍檸茶都好飲👍

至識食雞髀煎蛋飯 $48炸雞髀有成隻手板咁大! 炸嘅時間控制得啱啱好👍🏻皮脆肉滑 鎖緊左雞髀嘅肉汁😋可以揀黑椒汁/咖喱汁/蒜蓉汁 我就揀左黑椒汁配埋隻太陽蛋好開胃 好滿足😙·瑞士翼煎蛋飯 $48鐵盤上5隻好飽滿嘅瑞士汁雞翼😍醬油色澤均勻 好濃郁 隻隻都好入味😚配太陽蛋 青瓜解膩 成個餐都好豐富

冇意中經過雞地小巴站😗行過條巷仔見到鋪面好單調，但係入面好多人😏咁啫係隱藏高質小店？🤩 大約中午13:00入面係坐滿曬人嘅，我仲喺門口等咗一陣，不過10min都冇，好快就有位啦👍🏻嚟到呢到梗係食招牌餐啦-豉油汁到識食雞脾煎蛋飯-估佢唔到，真係好大塊雞脾‼️成個手掌咁大，雞脾外脆內軟😋雞脾炸過，雞皮非常酥脆🤩出乎意料吖，雞肉煮得啱啱好，一個字，絕。當食雞脾太溜，仲有幾片青瓜可以解膩👍🏻都可以見到雞脾有半隻碟咁大😍仲有個一樣嘅雞脾餐，但係就轉咗做撈丁，都係豉油汁，其實食落唔似豉油，有啲似鹵水汁，但又冇香料味嘅。嗌咗兩杯檸茶，一杯正常，一杯少甜少冰，但嚟到兩杯都係少甜少冰。 👇🏻👇🏻皮脆肉滑✨最後仲嗌咗個-鹵水雞翅- 但唔記得影相😅雞翅好嫩，鹵水香料好足，唔會咸，我完全覺得啱啱好，‼️重點係唔會見到有毛‼️冇論係睇落食落感覺都好好😋🐽食咗兩個餐+一份雞翅 總數$140有找侍應💁🏻‍♀️樓面人手唔多，感受到佢哋係專業嘅

✍︎︎又到咗三點三食炸雞髀時間🍗睇相就見到呢間炸雞髀出名巨型，足足20cm大到同我塊面差唔多包你食完唔會肚餓(*¯︶¯*)🍗炸雞髀煎蛋拼沙律🥗 $46即叫即炸，大概等咗15分鐘新鮮熱辣辣嘅雞髀到喇( ´▽｀)先焗後炸嘅做法，為求鎖住肉汁外皮夠薄兼炸到脆卜卜肉汁夠多唔乾身，醃到夠哂味❥仲可以配搭飯/意粉/沙律拼薯餅/出前一丁❥但服務質素就不要有期望(｡ ́︿ ̀｡)••••••••••••••••••••••••••••••🔎覓食家 元朗鳳翔路33-43號鳳翔大廈地下4號舖••••••••••••••••••••••••••••••