影片
更多
2020-06-03
1365 浏览
🛒 网上外卖平台、外卖自取 Sawadee Kha🙏🏻 嚟到九龙城一定要食泰国菜🇹🇭 今次介绍黄珍珍泰国菜馆，呢间喺泰菜嚟讲都算高级餐厅，适合成家人一围枱咁食饭。餐厅装修到好泰国，连个厕所都系泰式厕所，好似置身暹罗一样！😋 珍珍推介6人餐 $1688 冬荫公汤 👉🏻 讲泰菜大家都一定第一样谂到冬荫公，但唔系人人识解咩叫「冬荫公」，冬荫（Tomyum）喺泰文系解「汤」，而「公」喺泰文就系解「虾🦐」，所以冬荫公系一定有虾嘅！呢煲汤唔系好辣，入面有劲多虾，仲有啲草菇等等嘅配料，真系「汤好饮」呀🤣 .金柚大虾沙律 👉🏻 作为头盘都几开胃！酸酸哋嘅柚子配埋啲无壳嘅虾，啱晒懒人😂 小食拼盘 👉🏻 呢个拼盘有鱼饼、虾饼同蟹饼，小编特别推介鱼饼，呢度嘅鱼饼同平时食嘅有啲唔同，中间鱼肉部分比较腍，仲有无𠮶种泰菜好常见嘅死辣。 什锦串烧沙爹 👉🏻 6串串烧有猪牛鸡，啲肉唔会烧到干晒，点埋甜甜哋嘅沙爹汁都几正，系曼谷night market嘅风味🤩 泰式南乳烧鸡👉🏻 烧鸡无乜特别，度度食烧鸡都系咁，特别喺个酱度！南乳酱点鸡真系第一次，又几夹㖞！泰式明炉蒸乌头👉🏻 明炉蒸鱼又系必食，啲鱼嘅肉好质，又有啲脂肪，
23 浏览
0 赞好
0 留言
Sawadee Kha🙏🏻 嚟到九龙城一定要食泰国菜🇹🇭 今次介绍黄珍珍泰国菜馆，呢间喺泰菜嚟讲都算高级餐厅，适合成家人一围枱咁食饭。餐厅装修到好泰国，连个厕所都系泰式厕所，好似置身暹罗一样！
😋 珍珍推介6人餐 $1688
冬荫公汤
👉🏻 讲泰菜大家都一定第一样谂到冬荫公，但唔系人人识解咩叫「冬荫公」，冬荫（Tomyum）喺泰文系解「汤」，而「公」喺泰文就系解「虾🦐」，所以冬荫公系一定有虾嘅！呢煲汤唔系好辣，入面有劲多虾，仲有啲草菇等等嘅配料，真系「汤好饮」呀🤣 .
冬荫公汤
22 浏览
0 赞好
0 留言
金柚大虾沙律
👉🏻 作为头盘都几开胃！酸酸哋嘅柚子配埋啲无壳嘅虾，啱晒懒人😂
金柚大虾沙律
34 浏览
0 赞好
0 留言
小食拼盘
👉🏻 呢个拼盘有鱼饼、虾饼同蟹饼，小编特别推介鱼饼，呢度嘅鱼饼同平时食嘅有啲唔同，中间鱼肉部分比较腍，仲有无𠮶种泰菜好常见嘅死辣。
小食拼盘
25 浏览
0 赞好
0 留言
什锦串烧沙爹
👉🏻 6串串烧有猪牛鸡，啲肉唔会烧到干晒，点埋甜甜哋嘅沙爹汁都几正，系曼谷night market嘅风味🤩
什锦串烧沙爹
19 浏览
0 赞好
0 留言
泰式南乳烧鸡
👉🏻 烧鸡无乜特别，度度食烧鸡都系咁，特别喺个酱度！南乳酱点鸡真系第一次，又几夹㖞！
泰式南乳烧鸡
23 浏览
0 赞好
0 留言
泰式明炉蒸乌头
👉🏻 明炉蒸鱼又系必食，啲鱼嘅肉好质，又有啲脂肪，食落去唔会好似无食过嘢咁，中意食鱼嘅人一定会中意呢个蒸乌头！
泰式明炉蒸乌头
15 浏览
0 赞好
0 留言
咖喱炒蟹+法国面包
👉🏻 呢个系成个set最惊喜嘅一味𩠌😝 只蟹超大只，啖啖肉。最正系个咖喱都有蟹羔嘅味道，用嚟点法国面包真系超夹！
咖喱炒蟹
17 浏览
0 赞好
0 留言
法国面包
22 浏览
0 赞好
0 留言
鲍汁螺片炒椰菜苗
👉🏻 块螺片唔系𠮶啲假嘅鲍片，系真系螺片，仲要超大块！啲菜索埋啲鲍汁真系出色！
鲍汁螺片炒椰菜苗
26 浏览
0 赞好
0 留言
马拉盏炒通菜
👉🏻 呢一味就真系无特别喇，喺中式大排档都食到差唔多味道。
马拉盏炒通菜
11 浏览
0 赞好
0 留言
泰式甜品
👉🏻 有细细粒芒果糯米糍，有西米糕，仲有两件大菜糕。芒果糯米糍入面系真芒果肉，西米糕有椰汁味、芝麻味同埋咖啡味。本来以为大菜糕会无味所以成枱都无人想食😅 但一食落口有淡淡椰香，估佢唔到咁正！
泰式甜品
17 浏览
0 赞好
0 留言
总括嚟讲，成餐饭都系高级嘅，但价钱喺泰菜嚟讲都非常高级。所以如果两三丁友去九龙城食泰菜，可以试吓呢度嘅炒粉同炒饭，下次再讲！
张贴
