影片
更多
2024-12-22
0 浏览
咁岩要去市中心做野, 就谂住喺到食餐, 谂起之前唔少人介绍九份饱既蛋饼特别好食, 咁岩屯市都有间, 咁就入左去食, 点知呢餐竟然令我眼界大开….一入门口, 系完全冇人理既, 等左阵都冇人黎就自己入去坐算。之后拣左薯仔起司蛋饼同百香果绿茶后, 店员就收走左张单。绿茶同蛋饼先后送上, 平时就算去茶记食个餐, 啲叔叔婶婶点都会讲声A餐喇。呢度系冇既…..好彩夹开块蛋饼, 旧薯饼喺到, 即系冇送错到。喺呢刻, 我忽然突发奇想, 会唔会成餐都冇机会听到店员把声呢?不过细想一下, 阵间点都要埋单,佢点都会讲张单几钱呱….😅始终系食评, 都要讲下食物质数:绿茶唔甜, 百香果味道唔化学, 蛋饼表面煎得脆, 有少少芝士味,同薯饼都几夹。终于要埋单喇, 我自己行出去收银, 然后讲左句 「八达通俾」。 之后…个店员真系连几钱都冇讲到😂…当然 「多谢同拜拜」更加冇可能听到…去餐厅听唔到店员把声我终于解锁到喇。真心, 呢个成就比去澳牛俾叔叔闹更难达成。咁呢班忙到同客讲几钱都唔得闲既店员系忙紧啲咩呢? 喺我食紧既时候观察左阵, 有一半都系玩紧电话既…出餐厅后第一件事就系谂到一定要上黎写食评🤮🤮。 附上收据一张,
咁岩屯市都有间, 咁就入左去食, 点知呢餐竟然令我眼界大开….
一入门口, 系完全冇人理既, 等左阵都冇人黎就自己入去坐算。之后拣左薯仔起司蛋饼同百香果绿茶后, 店员就收走左张单。
绿茶同蛋饼先后送上, 平时就算去茶记食个餐, 啲叔叔婶婶点都会讲声A餐喇。呢度系冇既…..好彩夹开块蛋饼, 旧薯饼喺到, 即系冇送错到。
喺呢刻, 我忽然突发奇想, 会唔会成餐都冇机会听到店员把声呢?
不过细想一下, 阵间点都要埋单,佢点都会讲张单几钱呱….😅
始终系食评, 都要讲下食物质数:
绿茶唔甜, 百香果味道唔化学, 蛋饼表面煎得脆, 有少少芝士味,同薯饼都几夹。
终于要埋单喇, 我自己行出去收银, 然后讲左句 「八达通俾」。 之后…个店员真系连几钱都冇讲到😂…当然 「多谢同拜拜」更加冇可能听到…
去餐厅听唔到店员把声我终于解锁到喇。真心, 呢个成就比去澳牛俾叔叔闹更难达成。
咁呢班忙到同客讲几钱都唔得闲既店员系忙紧啲咩呢?
喺我食紧既时候观察左阵, 有一半都系玩紧电话既…
出餐厅后第一件事就系谂到一定要上黎写食评🤮🤮。 附上收据一张, 证明系真系帮衬过呢间野😫
张贴
