元祖沾麵專門店

营业中

休息中

上星期五放假，独自去偷欢，即系食好西🤭专登去咗尖沙咀厚福街呢间拉面店【元祖沾面专门店】平时好多人排队，所以我早啲6:00就去到食早场，加上一条友唔洗排，直接有位✌🏻🔸极上芝士海胆沾面(原板海胆) $158呢个价钱绝对系超值，因为成板海胆都系百几蚊，抵！海胆都算新鲜，唔会发霉/出水，而且味道有甘香甜甜地，食到饱😄沾面个汤上嚟时系滚，好香嘅芝士味，汤入面仲有猪肉去滚，所以仲有猪肉汤底嘅香🍜拉面刚刚好，唔会太淋/太硬，而且份量多，食极都仲有，浸落去汤滚返热啲面，再沾埋芝士嘅浓味，好味😋佢碗面仲有4块叉烧&半只流心蛋，个叉烧用咗烧汁去煮，所以系甜甜地，好浓嘅烧汁味，食完相当饱！