好好便當 (已結業)

因为佢开咗，真系成条街都闻到台湾味，所以开张无几耐就试试佢，晚餐外卖排骨饭同鸡排饭兼接近所有小食。我买嘅时候前面得一个外卖客，厨房上餐柴速度超慢（差不多全部炸嘢唔明点解可以咁慢），买完足足等左半个钟至走得，我后面果十几人唔知要等几耐。讲返食物因为等左半个钟最先出咗嚟既食物己经开始冻同淋，先讲讲两个饭，排骨几好够味只系有小小干，鸡排闻落几香不过八角味太抢脆皮都脆不过脆皮同鸡肉都无味，配菜庵萝卜唔脆味道唔好，卤肉就简直不值一提。 讲到小食香肠难食完全唔似台湾香肠，炸豆腐难食，盐酥鸡唔够味，惟一值得赞嘅系三星葱贡丸，腐皮墨鱼卷同炸花枝丸就算冻咗同淋咗都好味。总括嚟讲系非常一般，原因可能系因为开张无几耐， 所以过半年可能会再试一次。