農米莊 (厚福街)

营业中

休息中

平日喺厚福街食饭都见呢间食店都会有人龙，星期日晚饭时段难得唔使排队，立刻去食个米线。两个人分别点咗两个米线🍜怀旧药膳米线🍜汤底清澈，但好够药材味。配菜非常多，基本上唔使加配料都已经好够饱，有好甜嘅杞子、红枣、生菜、豆卜、腐竹、虫草花同农米鸡。农米鸡好弹牙，鸡味浓，真材实料。🐔椰子鸡汤米线🐣椰子鸡汤椰子味非常浓厚，仲见到有一粒粒椰丝。配料都一样丰富：木耳、生菜、豆卜、腐竹同农米鸡。朋友好钟意个汤够香甜。佢仲点咗只溏心蛋，另外一碗咁上，入面加咗半碗仔鸡汤。溏心蛋睇落都几好咁，我就试饮咗d汤，应该系本身原味汤底，鸡汤清甜，果然有料到食完米线最怕汤头重味精，但呢度嘅汤真系饮晒都冇口干。怕味精嘅人今次真系唔怕出街饮汤。下次都会想再来，试吓黑蒜鸡汤同麻辣鸡汤😋