成記茶寮

营业中

休息中

放假入元朗揾食，第一站去成记茶寮。今次系我第一次嚟呢间食店。相信大部份人都系为咗食呢度嘅猪扒而嚟, 所以唔使多谂, 坐低就直接叫咗猪扒双蛋饭，热奶茶 $55 。筷子都未用纸巾抹好, 碟饭已经上咗枱。猪扒真系几大件, 配上双蛋,已经遮晒成碟饭。猪扒系有骨猪扒，略带筋膜，食到骨边位会有点韧，唔系人人喜欢，但我ok。猪扒煎得唔硬，我用铁匙已很容易鎅开几件，入口有焦香，够松，有少肉汁，略带少少肥肉，加上淋上面嘅甜豉油，整体上，块猪扒算做得好食。啖啖肉，配上甜豉油容易送饭。