爆汗串串 (已結業)

其实今次系第一次食串串 ,之前一直都好兴去食。今次喺旺角见到一间成都风味嘅串串 ,而且用放题形式好多唔同嘅食物申串,另外仲有小食 !价钱都唔贵,今日同朋友食5:15嘅都系128蚊一位 ,加30蚊仲要任饮啤酒汽水 ,食咁辣一定饮番够本 。我最钟意佢嘅乌梅汁 🥰食之前畀返条围裙你,费事弹到件衫都污糟晒 !值得加分 !睇佢嘅放题餐牌都超多嘢食 ,连面小食都有 第一轮我哋都唔系嗌咗好多 ,但因为一串一个,所以好似好震撼咁。等我讲下我最钟意嘅啦 ,我最钟意有鸡肾 , 豆腐(硬豆腐够入味),鸭舌(好爽口,入味,唔辣 ),秀珍菇,蒟蒻,牛筋丸同鱿鱼 !第一轮系最香最入味嘅 ,因为个汤够晒热浸返啲食物落去好快好入味 ,食下食下就反而冇咁辣因为个汤就会慢慢冻 。不过佢哋都好好,可以帮我哋加热返啲汤 !我哋嗌咗bb辣 ,如果太辣都可以叫佢哋帮你揾汤调一调。最后一定要食老冰粉 ,真心甜味啱啱好 ,好食