影片
更多
2021-06-03
330 浏览
🐟Sichuan House 川庄🌶成都水煮鱼-桂花鱼（珍宝）$418.先讲下环境，整体都几靓，装修比较中式大方得体，如果见重要朋友、亲戚同事、家庭聚会，甚至乎约会都好适合。因为场地比较大，枱与枱之间嘅距离比较近，个人觉得食呢啲辣野就系要热热闹闹咁样食先正！自己试过中午同夜晚入去食，中午就比较静啲，夜晚就比较热闹啲。如果坐近玻璃窗位，可以望到下面朗豪坊全个景，望住咁多人喺下面行街，然后自己坐喺度食水煮鱼，个感觉都几正！🤣.饮品方面：我食咗两次都系叫芒果沙冰$48，因为贪佢够大杯，而且我觉得佢非常解辣，饮到底都会仲有芒果嘅甜味😬.点心方面：我嗌左重庆黑糖糍粑，口感非常糯𣷸𣷸，佢嘅黑糖浆都几多，我每咬一啖就会点一啖黑糖浆，依家谂返起都好肚饿好想食😖不过比较贵，一碟得六条$48。.我叫左成都水煮鱼-桂花鱼（珍宝）$418价钱偏贵，但系啲料系真系多，食到最尾真系会食净少少，同埋食完之后会觉得好幸福，因为你食到最尾都仲可以揾到有鱼🤤。我试过食正常size😞，好快就揾唔到啲牛柏叶🤣同埋好快就KO左（自己本身算大食😂）.桂花鱼好嫩滑，有少少骨，而且系好短嘅，不过大家食鱼点都要小心啲。如果你好彩捞起鱼
成都水煮鱼-桂花鱼（珍宝）$418
.
先讲下环境，整体都几靓，装修比较中式大方得体，如果见重要朋友、亲戚同事、家庭聚会，甚至乎约会都好适合。
因为场地比较大，枱与枱之间嘅距离比较近，个人觉得食呢啲辣野就系要热热闹闹咁样食先正！自己试过中午同夜晚入去食，中午就比较静啲，夜晚就比较热闹啲。
如果坐近玻璃窗位，可以望到下面朗豪坊全个景，望住咁多人喺下面行街，然后自己坐喺度食水煮鱼，个感觉都几正！🤣
.
饮品方面：我食咗两次都系叫芒果沙冰$48，因为贪佢够大杯，而且我觉得佢非常解辣，饮到底都会仲有芒果嘅甜味😬
.
点心方面：我嗌左重庆黑糖糍粑，口感非常糯𣷸𣷸，佢嘅黑糖浆都几多，我每咬一啖就会点一啖黑糖浆，依家谂返起都好肚饿好想食😖不过比较贵，一碟得六条$48。
.
我叫左成都水煮鱼-桂花鱼（珍宝）$418
价钱偏贵，但系啲料系真系多，食到最尾真系会食净少少，同埋食完之后会觉得好幸福，因为你食到最尾都仲可以揾到有鱼🤤。
我试过食正常size😞，好快就揾唔到啲牛柏叶🤣同埋好快就KO左（自己本身算大食😂）
.
桂花鱼好嫩滑，有少少骨，而且系好短嘅，不过大家食鱼点都要小心啲。
如果你好彩捞起鱼腩，就好即刻食咗佢😂因为鱼腩系最好食，你会食到佢同其他嘅鱼块嘅唔同，比较重鱼嘅脂肪味，相信大家都知鱼腩系最滑㗎啦🤣
.
辣度：我问咗𠮶度嘅姐姐，佢话佢哋平时员工系叫3度辣，于是我就试试佢，因为我本身自己都好食得辣😎✌🏻如果想刺激嘅话可以叫3辣，‼️强烈建议如果唔食得辣想舒服少少可以叫1,2辣，想挑战自己可以叫4,5辣😂
可简4个𩠌，我简左莴荀、牛肚、牛柏叶同水晶粉。
莴荀比较爽口，我自己喜欢比较淋身，所以放耐啲先至会食，放耐啲食都会比较入味。
.
牛肚比较淋，一咬就咬得开，而且好入味。
.
牛柏叶系我最钟意嘅，好有咬口，挂住啲汤汁，一啖咬落去刺激又好味。😋
.
水晶粉系扁身同阔身嘅薯粉，自己比较推荐呢一款嘅水晶粉，因为佢比较满足到口感，如果普通食薯粉嘅话你会好快就吞咗落去，但系食呢款水晶粉你会咀嚼佢比较耐啲，真系好好食。
.
推介大家去食呀！😘🌶🌶🌶
张贴