爆汗串串 (已結業)

之前返大陆试过串串香就一试难忘，而家竟然比我发现香港都有得食串串香，即刻同朋友去试试。去到果日好好彩，最后果2个位都比我地坐左，我听到之后入黎既顾客要等到9点半先有位。第一时间就拣左莲藕、黑木耳、白萝卜呢d必点既串串，容易索到d辣汁。莲藕同黑木耳咬落够爽脆，白萝卜够淋又无渣。串串辣就好够辣，但如果有麻既感觉会更好。除左串串之外，仲有其他小食同汤面，所以唔惊净系得串串食会唔饱。蒜泥青瓜 - 微辣，蒜味比较重。招牌牛肉面 - 怕样样都食辣会顶唔顺，所以拣左猪骨汤中和下。味道好有返大路食d小拉面既感觉，牛肉都算多算大旧。缸缸火锅粉 - 好辣，基本上每食几啖就要饮水，但饮完依然系觉得好辣，可能呢d先系正宗既火锅粉。由于太辣既关系，忍唔住要叫返碗成都老冰粉解下辣。食落系有种透心凉既感觉，同埋真系好解到辣。另外店家好贴心咁准备埋围裙比大家。