影片
更多
2024-04-17
740 浏览
西餐fine dining 就食得多，中菜fine dining 还是第一次，银庐以宋宴为主题嘅川菜，无论氛围、服务到菜式，都系超班水准。其实中菜讲求嘅火喉同煮法更加细致有要求， 呢个价钱绝对系超值！餐厅唔大，但摆放几棵树，以白色为主调， 犹如置身系水墨画中。 店员服务细心，会记低每枱客嘅需要，并详细介绍每道菜，完全感受到厨师嘅用心。————————————————$1388 椒宴————————————————◎开胃菜◎✨蜜桃乳酸welcome drink✨蜜瓜◎凉菜◎✨成都泡菜：清爽微辣✨灯影鱼片：参照成都特色灯影牛肉嘅菜式，鱼片薄到系灯光映照下微微透光。✨烧椒皮蛋：爽口弹牙，底下配有青椒蓉。✨椒麻鳝丝：参照四川怪味豆，甜、咸、辣、酥，味道层次丰富。◎前菜◎✨鱼子酱鸡牛汤冻：原来全球60%鱼子酱都系产自中国， 而采用嘅四川鱼子酱更系全国数一数二😮 真系粒粒都又大又饱满， 影到好似珠宝咁闪闪发光😳配搭清城山泡菜&鲍鱼粒装饰， 虫草花鸡牛仔汤做成果冻， 底部仲有鹅肝酱，咸咸鲜鲜。◎汤◎✨蝴蝶竹荪汤（山椒精油）：以金华火腿、瑶柱、鸡胸提炼出清高汤，汤碗有蜡烛加热保温，试完头一啖之后， 秘
————————————————
$1388 椒宴
————————————————
◎开胃菜◎
✨蜜桃乳酸welcome drink
✨蜜瓜
◎凉菜◎
✨成都泡菜：清爽微辣
✨灯影鱼片：参照成都特色灯影牛肉嘅菜式，鱼片薄到系灯光映照下微微透光。
✨烧椒皮蛋：爽口弹牙，底下配有青椒蓉。
✨椒麻鳝丝：参照四川怪味豆，甜、咸、辣、酥，味道层次丰富。
◎前菜◎
✨鱼子酱鸡牛汤冻：
原来全球60%鱼子酱都系产自中国， 而采用嘅四川鱼子酱更系全国数一数二😮 真系粒粒都又大又饱满， 影到好似珠宝咁闪闪发光😳配搭清城山泡菜&鲍鱼粒装饰， 虫草花鸡牛仔汤做成果冻， 底部仲有鹅肝酱，咸咸鲜鲜。
◎汤◎
✨蝴蝶竹荪汤（山椒精油）：
以金华火腿、瑶柱、鸡胸提炼出清高汤，汤碗有蜡烛加热保温，试完头一啖之后， 秘密武器出动🤩独家山椒精油令个汤生色不少！椒麻香味带有柠檬叶及香茅，清香滋润。蝴蝶造型手打鱼肉好滑好软腍， 每一道菜都好似一幅画。
◎热菜◎
✨大千干烧关东参（牛市坡玫瑰贡椒）：
参考张大千干烧鱼嘅做法改良而成，关东参爽滑弹牙，铺满黑毛猪猪肉咸咸香香，令口感更有层次。
✨土罐贡椒乳鸽（汉源大产区子母贡椒）：
系我食过最好食嘅乳鸽，一开盖，花椒叶及香松叶嘅香味扑鼻而来，用土钵熏烧乳鸽好入味，呢种对食物嘅要求同心机，系出面唔易食到。
✨青花椒麒麟鱼（清溪镇青花椒）：
参照日式立鳞烧做法处理，鱼鳞好似薯片咁香脆，肉质依然保持嫩滑，配上二荆条辣椒&本地有机青豆泥做嘅酱汁吊味。
✨老成都水煮牛肉（茂县大红袍）：
估唔到水煮牛肉都可以咁有睇头。店员即场加上热油，香气四射，采用新鲜本地骟牯牛，牛味香浓，配有土豆片&莲藕片，另外奉上米线可以加入食用。原来睇落平民嘅菜式，但加上成个配套，你会觉得值得！
✨野山椒素炒千年银杏配九年野生百合：
餐厅独家提供四川清城山千年古树银杏，配合9年野生百合，听到都已经觉得好矜贵，药用价值亦好高，同一般白果唔同，千年银杏甘香有嚼口，另外莴笋及红萝卜用吉庆刀法切粒，有吉祥如意嘅意思。
◎主食◎
✨老盐菜煨饭：
用炭火沙锅炆饭，有四川盐宾菜及蜡肉，另配一碟微辣萝卜干，口感丰富。
◎甜品◎
✨麻婆豆腐冰淇淋：
低脂豆腐雪糕唔易溶，加上花椒精油及青花椒酱，还原返麻婆豆腐独有嘅香味。
糖果（马卡龙、杏仁薄脆、花椒朱古力）
非常打卡able, 用大青柠盛载著中西合璧嘅甜品，每样都落左小巧思加入花椒元素，好独特。
✨椒茶
最后尾声以茶勾起成道菜嘅主题「花椒」作结。
土罐贡椒乳鸽
18 浏览
0 赞好
0 留言
麻婆豆腐冰淇淋
14 浏览
0 赞好
0 留言
张贴
