爆汗串串 (已結業)

嗜辣嘅友人表示好耐无食辣，于是就同佢黎试试位于旺角新开无耐嘅爆汗串串。爆汗串串嘅店面充满漫画风。今次过黎主要就食成都串串香。$78/5款，每款会有3串乌梅汁唔知系味自家制，但味道好天然唔太甜。口水鸡调味偏咸唔算好辣。鸡肉够冻而且几嫩滑。我地就选左猪皮、鱿鱼、秀珍菇、黄喉、金菇。店员表示如无特别要求，所有辣度预设为中辣。猪皮好厚身，而且好吸汁。鱿鱼爽口弹牙，而黄喉见限量就试下先。爽口又烟韧几特别。凉拌凤爪凤爪无骨嘅，食落去啖啖肉甘。口感同样爽口弹牙，不过呢个辣过口水鸡劲多。最后我地叫多个招牌牛肉面都几大碗，面质爽滑偏幼。牛肉都有调味稔身。不过真心中辣都几辣下，舌头会不自觉分泌口水果种。