華麗餐廳

营业中

休息中

同同事去食饭，拣咗呢间酒店餐厅，食个半自助餐set因为系酒店，而且个装修几好，原本有啲期望坐低拎沙律，啲菜系...无味嘅。鱼蛋...千年发水鱼蛋，唔理口感的话，过得去啦叫咗个韩式泡菜石头饭，热就够热嘅，不过个饭都几湿，啲汁偏多，而且无咩韩味...而佢部自助咖啡机啲咖啡无咩味，好淡，好在佢哋员工都有心嘅，同佢反映之后入厨房冲几杯真．咖啡出嚟畀我哋...成餐最好味，竟然系部自助Pancake机，按一按等成分钟先有饼出，原本以为伏，点知热辣辣得嚟又好有饼味，加埋啲糖浆，味道竟然系一流...不过一够钟收档，我哋都未食完，唔单止同你拎走哂机入面嘅Pancake粉，连个机都拆埋...真系好绝。好挂住个机。边到有得卖，请指教。