影片
更多
2020-02-12
3797 浏览
终于有时间写返个食评，其实系12 月尾黎补返庆祝圣诞节，盲中中黎试依间三和叙。其实omakase 一向都中意食，不过食亲都知唔平所以拣得好小心。当然都中过伏，今次因为冇plan 嘅，咁啱去开九龙城又懒得出去第到，又咁啱有位 (之前有次经过系冇位），咁就入左去。其实外观都几吸精，喺依个地段有间咁嘅日本餐厅真系好难得。三和叙有三层，地下系炉端烧，二楼系铁板烧，三楼就系omakase, 再上面2层就系VIP 房，大约坐8-12人，min charge 约10000左右。其实好抵，如果6-8个人，点都食到10000啦，自己有个private area 真系唔错。我地其实拣左menu 成15分钟，因为决定唔到食咩，最后男朋友因为知我钟意omakase, 所以我地就去左三楼，其实如果想食其他野亦都可以送上三楼。不过我地今次就主打食sushi. Staff 嘅服务真系好friendly, 而且唔会令你有好拘谨嘅感觉，我觉得依点好重要，因为我好怕d好over嘅service, 我会觉得好唔自在。我地拣坐寿司bar, 可以一边睇一边食仲可以同师父倾计。。因为事隔左两个月先写个食评，对有d寿司印象系有少少
三和叙有三层，地下系炉端烧，二楼系铁板烧，三楼就系omakase, 再上面2层就系VIP 房，大约坐8-12人，min charge 约10000左右。其实好抵，如果6-8个人，点都食到10000啦，自己有个private area 真系唔错。
我地其实拣左menu 成15分钟，因为决定唔到食咩，最后男朋友因为知我钟意omakase, 所以我地就去左三楼，其实如果想食其他野亦都可以送上三楼。不过我地今次就主打食sushi. Staff 嘅服务真系好friendly, 而且唔会令你有好拘谨嘅感觉，我觉得依点好重要，因为我好怕d好over嘅service, 我会觉得好唔自在。
我地拣坐寿司bar, 可以一边睇一边食仲可以同师父倾计。。因为事隔左两个月先写个食评，对有d寿司印象系有少少模糊，不过当晚嘅体验依然好记忆犹新，因为试过唔少omakase, 依间食材同价钱可以话成正比，但系Service 仲有同客人嘅交流真系俾满分。我地拣左个约$1500嘅omakase, 但其实都有超过9件寿司同埋多过10样嘅煮物同刺身。食材都系好新鲜（因为我同男友都系玻璃肚，少少唔新鲜/唔干净 我地都会2个钟内肚痛）虽然唔算系最高级嘅食材，但绝对对得住$1500嘅价格。我地由7点食到10点，最后个蚬汤真系好鲜甜又可以清下味蕾，男朋友食量比较大最后仲encore 左件大拖罗同埋加左客和牛炒饭。我地都嗌左2支sake 后尾仲同d 师父一齐倾计一齐饮，气氛好好食得好开心。已经谂好下次会试铁板烧。
54 浏览
0 赞好
0 留言
张贴
