尚鮮海鮮料理 (已結業)

呢间野我个friend 食过，佢话呢间系食牛肉火锅专家玩好正，那日特登同朋友嚟呢间食，结果系完全无令我失望。呢间店系日式设计，４人去都比咗我地坐日式卡位，先叫咗个双并汤底，一边血池地狱汤，另—边系清汤锅。 几个朋友都系牛肉痴，叫咗本地牛颈瘠，安格斯牛，雪花牛柳粒和本地手切牛，款款都好新鲜，牛颈瘠囗感有少少烟韧，有咬囗，牛味淡雅，而安格斯同雪花牛柳粒牛味就好浓郁，有油份的香，食落无渣但有一种入囗咬下就好腍软的牛香，真系好好食，反而本地手切牛乃黄牛肉，牛味适中，但出奇咁腍软，而且好挂汤汁，配以血地辣汤，令牛鲜味更出，好的汤底令牛肉的鲜味更锦上添花！呢度Ｄ牛肉，真系无得顶！重有叫杯青柠蜂蜜梳打，好味另外Ｄ打边炉食材也是相当新鲜，例如有款松叶蟹皇饺，真系好鲜，馅有饱满，芥末籽虾丸、手打牛肉滑，金沙鲜牛丸，内有咸蛋的惹味，打边炉超正！另有西洋菜秀珍菇饺，同木耳云吞，做得好有水准，当然－分钱－分货，但很值耶！