金祥排骨麵大王 (已結業)

食晏, 少左个麻烦佬, 就过黎食下d汤面. 我要左个雪菜肉丝云吞面, 面系上海面, 有d厚度, 粗幼适中, 吃时有咬感. 云吞系菜肉云吞, 菜既份量几多, 唔想多肉既都几"urm"食! 雪菜味道唔系咁浓, 亦唔系好咸, 本来都觉得食得下既, 所以我都食晒d面至发觉唔对路! 当我正想食埋d雪菜之际, 我发现一颗貌似雪菜但size较大既物体浮紧, 我仲以为系雪菜tim! 点知捞起就见到有脚既, 睇真d, 乌蝇黎既! 仲几大只下!! 我无大叫, 亦无叫人过黎, 但变脸, 同事见到, 老板亦见到! 我地都未出声, 老板已将面拿走, 同事们都食完面, 只差饮品order左未到. 我起初心谂, "老板, 你唔系想毁灭证据呀?" 过左无耐, 老板返黎拿走我地张单, 笑笑口又唔好意思咁样. 同事估佢取消我个面唔计, 亦有估佢全部都唔计. 未黎既饮品陆续黎齐, 我地饮完都谂住睇下老板想点! 同事估中左, 佢唔收我地钱呀! 呢餐个个都free, 同事们就拍拍我膀头话, "难为左你喇!"虽然我见到只咁大既乌蝇系面度系好反感, 但老板咁识做, 就放佢一马啦! 不过, 希望佢地留意下, 唔好再有同类事件发生,