影片
更多
2008-06-15
107 浏览
天虹海鲜正斗, 煮功出色, 价钱公道, 服务一流, 交通便利, 所以我同大胃决定将天虹定为我地ge饭堂!大胃牛一, 梗要向佢远征欧州前同佢擦番餐. 上次入南丫岛大家食过天虹都赞不绝口, 今次庆生㖞, 梗要拣度有信心保证架啦, 于是就齐齐过大海来天虹.唔好以为入南丫岛食饭好似好麻烦, 其实天虹有专船向天星同中环2个码头往返接送, 我一程巴士去到码头, 一程半个钟ge船去到天虹, 不知几方便.去到唔驶寿星仔操心, 我就走去拣下有乜海鲜食. 上次个侍应比我慢慢遂样拣, 咁今次都唔例外, 好烫贴呢.今次d野全部好食, 想排名都唔容易呢!1) 蒜茸粉丝蒸大黄妃蛘 - 初初上台, 见到无乜豉油汁, 仲惊会唔会唔够味呢? 原来好够味嫁, 因为d蒜茸浸过盐水的. 而d粉丝亦非常爽口烟韧, 连埋d蒜蓉, 好食到爆. 至于主角黄妃蚌, 就真系无得顶. 大只又饱满不特止, 新鲜又唔在讲, 而且蒸得刚好, 霹雳爽脆鲜甜. 一致通过, 全晚至正!!1) 椒盐鲜鱿 - 闻落好香, 脆浆够薄又够脆, 鲜鱿嫩甜到唔知讲乜好, 系有史以来食过最好的椒盐鲜鱿呀!!!!! 所以要同黄妃蚌双冠军.3) 蒜蓉蒸扇贝 - 肥大
大胃牛一, 梗要向佢远征欧州前同佢擦番餐. 上次入南丫岛大家食过天虹都赞不绝口, 今次庆生㖞, 梗要拣度有信心保证架啦, 于是就齐齐过大海来天虹.
唔好以为入南丫岛食饭好似好麻烦, 其实天虹有专船向天星同中环2个码头往返接送, 我一程巴士去到码头, 一程半个钟ge船去到天虹, 不知几方便.
去到唔驶寿星仔操心, 我就走去拣下有乜海鲜食. 上次个侍应比我慢慢遂样拣, 咁今次都唔例外, 好烫贴呢.
今次d野全部好食, 想排名都唔容易呢!
1) 蒜茸粉丝蒸大黄妃蛘 - 初初上台, 见到无乜豉油汁, 仲惊会唔会唔够味呢? 原来好够味嫁, 因为d蒜茸浸过盐水的. 而d粉丝亦非常爽口烟韧, 连埋d蒜蓉, 好食到爆. 至于主角黄妃蚌, 就真系无得顶. 大只又饱满不特止, 新鲜又唔在讲, 而且蒸得刚好, 霹雳爽脆鲜甜. 一致通过, 全晚至正!!
1) 椒盐鲜鱿 - 闻落好香, 脆浆够薄又够脆, 鲜鱿嫩甜到唔知讲乜好, 系有史以来食过最好的椒盐鲜鱿呀!!!!! 所以要同黄妃蚌双冠军.
3) 蒜蓉蒸扇贝 - 肥大, 爽口, 鲜甜, 无得弹.
4) 豉椒圣子半斤 - 同上次一样咁好食, 豉椒唔会过咸, 带辣味, 超级够镬气. 圣子新鲜, 爽甜, 够味. 食过咁多度圣子, 天虹最好!
5) 豉椒蒸象拔蚌仔 - 豉椒汁arm arm 好, 唔会一大pat或太咸. 象拔蚌仔亦肥大新鲜, 够爽, 但比起霹雳黄妃蚌, 就争dd咁dur dur.
6) 豉油王炒面 - 仲发紧面颠, 上次食肉丝炒面, 好掂. 今次豉油王炒面都好好, 面身爽滑, 够干身, 一d都唔油, 食完碟底好干爽. 系嫌豉油唔够香. 不过巳经好正啦!
7) 蒜茸粉丝蒸圣子 - 圣子好大揪, 可能蒸得耐左少少, 唔够爽脆, 但巳经收货有余.
8) 果皮蒸鲍鱼 - 我哥只蒸得刚脱壳, 非常鲜味, 肉质爽嫩弹牙, 果皮够香. 大胃哥只未熟透, 要扣分. 因为今晚高手太多, 无耐要包尾.
9) 三支国产Asahi
题外话:
咁话说我地一去到, 我见到个侍应叔叔好熟口面, 跟手佢就走埋来同我地讲: 哗小姐做乜咁耐唔来? 咁我就醒起佢原来就系我第一次去天虹Serve我果台个叔叔. 而果阵巳经系年半之前ge事. 当晚仲要爆场, 劲多客. 我吓到呆左, 问: 下? 隔成年半你都仲认得我? 佢笑笑口话系呀, 我认人好犀利ga, 我仲记得帮你影过相添! 呢个叔叔, 真系唔系人敢品, 天虹请人真有眼光~
仲有仲有, 嗱嗱嗱大胃唔好话我多口呀! 咁我拣紧海鲜果阵, 大胃走咄来"Gup"下, 哥个侍应叔叔就话唔驶问下你男朋友食乜呀? 咁我都末及回应, 呢个大胃就闪电地耍手兼拧头地话:绝对唔系!! 真系慌死我影衰佢咁呀....哈哈, 我当堂笑爆嘴, 依家谂起都想笑 ^o^....
张贴
