芽莊越式料理 (已結業)

友人特别喜爱食越南食物, 假期行完街唔想系铜锣湾揾食, 我地2个行到湾仔芽庄试下.2个人叫左清浣蒸粉卷, 咖哩牛腩配多士及烧牛肉檬粉本来对于平平无奇既清浣蒸粉卷(即扎肉配粉卷)唔会有太大期望, 因为平时出外食这个菜式总系皮太厚馅少, 但此店个粉卷皮薄带点烟韧而且馅料丰富, 这一个粉卷做得唔错.咖哩牛腩带点辛辣但椰味唔重, 牛腩充份吸收咖哩味道, 牛腩够厚身肥瘦适烹调时间足够牛腩肉质够淋身食时配上香脆既多士十分合拍.烧牛肉檬粉亦系我至爱, 最喜欢系佢地提供大量花生碎, 食时卜卜脆又够香口, 而烧牛肉够厚配上炸过香蒜再加埋鱼露汁, 2个人食得非常开心.