影片
更多
2007-06-17
阳光普照星期六下午,买完期待已久既CD后,走去巴士站再玩随意,今次走左入沙田市广场。一如平常人头涌涌,四处走走玩玩后走上7楼,巡视全层食肆之后,最后拣左呢间铁板。一轮日文欢迎词后,带位小姐带我坐近门口人少地方,而唔系较热闹既里面;真估唔到热闹如周末沙田市广场,竟然揾到一个人少地方食午饭。可能侍应小弟见我热到面红红,问我要什么餐饮后主动同我讲:帮你先上饮品,好吗??(好丫!)冻柠茶真系好快送上,又系细细杯之作。茶味ok,甜度偏淡,唔驶叫"冻柠茶少甜"都有少甜效果,如果唔系女侍应加一句"已经落左糖",我会怀疑水吧无落糖水。面豉汤用上淡味面豉乎??味道真系偏淡,而且汤里面有萝卜粒同洋葱粒,第一次饮到有蔬菜既面豉汤,平时通常都系豆腐粒或海带之类,呢度又几特别。咖喱鸡扒饭送上时,咖喱味扑鼻而来,好吸引!伴碟薯仔煮得好淋,伴以香辣咖喱汁真系好正!!本以为食到日式甜味咖喱机会较大,原来系"辛口"!食食下都觉得辣得几利害!!白饭用上珍珠米,系我钟意个种QQ感觉;鸡扒煎得金黄,鸡肉好似用照烧汁腌制过,我觉得好好味lu,相信改用照烧汁味道会更好。甜品系一小粒雪糕糯米糍,好处系雪得够硬净,唔系半溶状态之作,
一如平常人头涌涌,四处走走玩玩后走上7楼,巡视全层食肆之后,最后拣左呢间铁板。一轮日文欢迎词后,带位小姐带我坐近门口人少地方,而唔系较热闹既里面;真估唔到热闹如周末沙田市广场,竟然揾到一个人少地方食午饭。
可能侍应小弟见我热到面红红,问我要什么餐饮后主动同我讲:帮你先上饮品,好吗??(好丫!)冻柠茶真系好快送上,又系细细杯之作。茶味ok,甜度偏淡,唔驶叫"冻柠茶少甜"都有少甜效果,如果唔系女侍应加一句"已经落左糖",我会怀疑水吧无落糖水。
面豉汤用上淡味面豉乎??味道真系偏淡,而且汤里面有萝卜粒同洋葱粒,第一次饮到有蔬菜既面豉汤,平时通常都系豆腐粒或海带之类,呢度又几特别。
咖喱鸡扒饭送上时,咖喱味扑鼻而来,好吸引!伴碟薯仔煮得好淋,伴以香辣咖喱汁真系好正!!本以为食到日式甜味咖喱机会较大,原来系"辛口"!食食下都觉得辣得几利害!!白饭用上珍珠米,系我钟意个种QQ感觉;鸡扒煎得金黄,鸡肉好似用照烧汁腌制过,我觉得好好味lu,相信改用照烧汁味道会更好。
甜品系一小粒雪糕糯米糍,好处系雪得够硬净,唔系半溶状态之作,普通lu。
由于位置问题,望住个好高透明度既厨房,见住几位厨师忙碌地烧牛扒、煮锅仔菜、盛饭盛汤,都几得意!
服务方面一如日式餐厅管理,欢迎词/byebye一句不漏,合格有余!只系坐呢个部份,揾个侍应生会较里面困难而已。
张贴
