時新快餐店 (已結業)

首先，冇谂到成日听到嘅时新，原来就喺呢度。以前码头仲系连住火车站时，我经常都会嚟呢头，亦冇留意到呢间快餐店有乜咁特别。既然喺自己社区，当然要踩一踩场。去到食咗两个包一只鸡髀，因为份量都比较细。由于出货快，啲肉系即烧，当然好味。个人认为加沙律酱味道最好。鸡髀炸得好正。旧式快餐店最拿手，硬系觉得去大家乐、大快活、美心食唔到咁正。不过就多毛啲。唯一最唔掂就系杯冻奶茶，得个甜字。下次都系叫汽水算。老实讲，唔系真系咁值得讲到咁劲，个人认为只能用抵食嚟形容。不过都会再帮衬，因为咁嘅价钱，好过走去食麦当劳。