維港灣餃子坊 (已結業)

维港湾有两间分店一间系教育路， 另一间在水车馆街， 贪方便去咗教育路 ，门口望见到入面 只得几个人食嘢，已经觉得唔对， 晚市时间🤔 韭菜猪肉汤饺8只$46， 饺皮依然系好薄嘅 ，个馅料冇以前咁丰满多料， 入面少咗好多猪肉，size份量又少咗D，猪肉味都冇， 今日系粉葛汤， 汤，好稀冇乜味， 最惨这个汤都唔热嘅。 红极一时，元朗名物竟然搞成咁，我系咪去错分店…… 系咪应该去返水车馆街🙈店， 煎饺有六只$45，仲衰个煎饺，饺底部煎得唔脆，底部白奶晒，轻微煎煎，不特止，有两嚿入面生生哋嘅， 即刻吐返出嚟。唔想再食喇。唉！走人拜拜。 辣椒油唔香唔辣冇味道，出名菜脯仲衰有阵噏味嘅。 望入去厨房，煮饺子那位女士擘大个口打晒喊路，又冇戴口罩， 煮食物，她😑冇表情都估到..人冇心做食客冇好嘢食。 出返去太子食(阿纯山东饺子)稳阵