影片
更多
2016-03-29
644 浏览
喺航空大厦返左两年工，听过十几个同事讲「水月」呢个大名，每次唔系听到「好惊喜」「坚正」「一定要去」就系「性价比极高」呢类形容词....上网睇左好多食评后，我谂我真系要去一次。行过去信德街只需要3分钟路程，我试过两次walk in都无位，一条咁水静河飞嘅街都要订位？唔系卦？！好！今次我有订位，一定唔会走鸡啦。同朋友6个人，坐底选择左主菜及酒后开始享受晚餐。先黎3款前菜： 海胆吞拿鱼茸脆米饼海胆甘甜新鲜，整体表现系出色，绝对系一个好开始。 烟熏清酒高汤鲍鱼&矶海螺：矶海螺吉住好似食鱼蛋咁，慢慢细尝，越食越鲜甜好味。而鲍鱼就带米味香甜，里面嘅海苔吸哂d汤好味！ 樱花虾龙吐珠：呢碟卖相绝系艺术品，唔舍得食！外层香脆，估唔到食到中间果层都系脆卜卜细鱼子，好吸引味觉！ 之后系汤，鳕场蟹钳蟹肉豆羹： 每一啖都充满鲜蟹肉嘅味道，加埋只鲜蟹钳，口感味道完全系满分。 青柠泡泡：主菜前refresh味觉，卖相过引 主菜，北海道黑毛猪配八珍山渣汁：肉嘅质感比较实，唔似食开嘅西班牙黑毛猪细嫩，但肉味好香浓，我个人比较钟意呢种，入口好实在，有d炭烧味道咁，配埋个汁好正。 最后到甜
好！今次我有订位，一定唔会走鸡啦。
同朋友6个人，坐底选择左主菜及酒后开始享受晚餐。
先黎3款前菜：
海胆吞拿鱼茸脆米饼
海胆甘甜新鲜，整体表现系出色，绝对系一个好开始。
烟熏清酒高汤鲍鱼&矶海螺：
矶海螺吉住好似食鱼蛋咁，慢慢细尝，越食越鲜甜好味。而鲍鱼就带米味香甜，里面嘅海苔吸哂d汤好味！
樱花虾龙吐珠：呢碟卖相绝系艺术品，唔舍得食！外层香脆，估唔到食到中间果层都系脆卜卜细鱼子，好吸引味觉！
之后系汤，鳕场蟹钳蟹肉豆羹：
每一啖都充满鲜蟹肉嘅味道，加埋只鲜蟹钳，口感味道完全系满分。
青柠泡泡：
主菜前refresh味觉，卖相过引
主菜，北海道黑毛猪配八珍山渣汁：
肉嘅质感比较实，唔似食开嘅西班牙黑毛猪细嫩，但肉味好香浓，我个人比较钟意呢种，入口好实在，有d炭烧味道咁，配埋个汁好正。
最后到甜品：D.I.Y.窝夫
最后原来系最无敌！完全系将整个晚饭带上高位，无谂过甜品可以做到咁出神入化。
餐后茶：薄荷茶
食完甜品通常系饮咖啡，原来饮薄荷茶都可以咁衬。
全晚大家激赞好开心，喺用餐节奏上好恰当，食物味道完美，系果种俾$688蚊食到相对价值嘅野，店员又热情有礼，好欣赏佢地逐样食物都介绍得好细腻。一定会再支持。
张贴
