影片
更多
2009-04-08
11 浏览
3月5日, 90周月快乐~ 一起7年半的纪念日~又到时间庆祝我们嘅纪念日~ 今晚我地去咗呀菲期待已久嘅baby blue食蓝贝, 之前喺佢未搬时食过一次lunch, 不过冇食蓝贝… 今日去新店, 发觉装潢高档咗好多, 连带个menu都高级咗, 不过冇所谓啦, 我地一定要试蓝贝~ 睇完d餐, 发觉个testing menu 都几多野食, 问过部长, 佢话每样份量唔会多, 不过2个人食其实都好够~ 我地志在可以试多d唔同野嘅心态, 驱使我地叫咗呢个餐, 另再加个蓝贝~::: 车打芝士蓝贝 ::: $180先写我地嘅主打, 亦系baby blue嘅主打, 喺众多蓝贝中我地拣咗车打芝士, 贪佢个汁够浓~ 另外仲加配薯条, 用黎点个芝士汁~ 份量都真系几多, 应该系3-4人份, 有差不多60只, 不过每只大细差别很大, 细只食唔到d鲜味, 大只𠮶d就真系非常鲜, 食到好鲜嘅海水味~ 加埋d 车打芝士味道真系非常浓郁, 不过食到尾有d漏, 同埋d 海水味加埋冻咗嘅芝士有好重嘅腥味~ 整体黎讲我地都非常满意~!::: testing menu ::: $238总共有3个头盘, 1个餐汤加面包, 2个
又到时间庆祝我们嘅纪念日~ 今晚我地去咗呀菲期待已久嘅baby blue食蓝贝, 之前喺佢未搬时食过一次lunch, 不过冇食蓝贝… 今日去新店, 发觉装潢高档咗好多, 连带个menu都高级咗, 不过冇所谓啦, 我地一定要试蓝贝~ 睇完d餐, 发觉个testing menu 都几多野食, 问过部长, 佢话每样份量唔会多, 不过2个人食其实都好够~ 我地志在可以试多d唔同野嘅心态, 驱使我地叫咗呢个餐, 另再加个蓝贝~
::: 车打芝士蓝贝 ::: $180
先写我地嘅主打, 亦系baby blue嘅主打, 喺众多蓝贝中我地拣咗车打芝士, 贪佢个汁够浓~ 另外仲加配薯条, 用黎点个芝士汁~ 份量都真系几多, 应该系3-4人份, 有差不多60只, 不过每只大细差别很大, 细只食唔到d鲜味, 大只𠮶d就真系非常鲜, 食到好鲜嘅海水味~ 加埋d 车打芝士味道真系非常浓郁, 不过食到尾有d漏, 同埋d 海水味加埋冻咗嘅芝士有好重嘅腥味~ 整体黎讲我地都非常满意~!
::: testing menu ::: $238
总共有3个头盘, 1个餐汤加面包, 2个主菜, 甜品同餐饮~ 逐样写低…
::: 忌廉蘑菇蟹肉酥皮盒 :::
叫做酥皮盒, 系因为用层酥皮做到一个小碗咁, 装住一d忌廉蘑菇嘅酱汁, 混入咗一d蟹肉, 个酱汁好鲜甜. 忌廉蘑菇同蟹肉好夹, 带出蟹肉嘅鲜味~ 酥皮刚焗好, 热辣辣脆卜卜, 整体感觉良好~
::: 香煎带子配鱼子菜蓉 :::
呢个比较普通, 卖相都唔系好好. 带子略嫌细咗d, 同煮得熟过头~ 鱼子想点缀一下不过冇乜特别… 下面嘅菜蓉比较多水, 可能只带子出水浸咗落下面, 所以食唔出应有嘅杰, 同埋冇乜味…
::: 脆炸蓝贝 :::
个名几特别, 同埋都想试下唔同整法嘅蓝贝~ 真系几特别, 细细只有d似生蚝同青口既混合体~ 有生蚝嘅肥美加青口嘅烟韧, 配上炸粉, 非常之香脆可口~ 碟上仲好精致咁用蓝贝壳盛住d汁俾我地点黎食~ 酸酸地十分开胃~
::: 餐汤 :::
餐汤我地要咗忌廉蘑菇汤, 好重嘅蘑菇味, 忌廉杰杰嘅质地都饮得出, 不过有点平平无其, 中规中矩~ 而面包就真系几赞! 侍应生见我地2个人, 个set原本系1人份都俾2件面包我地~ 仲要系好好食! 面包好香, 加上好特别嘅蒜蓉牛油~ 真系想再食多个~!
::: 甜酒烩和牛面颊 :::
我地都一致觉得和牛面颊咬落质地似牛腩, 淋淋地d肉好有纹理~ 一撕就开, 最好嘅就系佢冇牛腩咁黐牙, 好好咬口~ 而个甜酒嘅献汁渗入牛面颊度, 令到个牛非常鲜甜, 不过欠缺些少酒味~ 下面有甘荀, 不过好硬, 食唔到~
::: 炭烧极黑猪柳 :::
猪柳果然系炭烧出黎, 表皮烧得非常脆~ 不过稍为干身, 就咁食会几韧~ 一定要点喺底下嘅肉酱汁, 辣辣地好刺激味蕾, 亦好配合肉感丰富嘅猪柳~
::: 甜品, 餐饮 :::
甜品系cheese cake, 唔系好大件, 不过都够~ 因为已经好饱~ 个人感觉芝士味唔系好浓烈, 不过质地就好creamy! 底下嘅饼底有d硬同几干, 可能雪得太耐… 但系呢餐都已经十分丰富, 以淡淡地嘅甜品作结都可以消除口腔嘅肉味~ 冻柠茶都系普普通通~
咁样叫法2个人都非常足够, 比叫2个1人餐或者1个2人餐更多选择~ 原本仲想叫埋cabonara, 好彩冇叫到! 餐厅环境确实几优雅, 可惜我地呢晚d人太嘈, 同埋d侍应专登安排d客坐同一区, 基本上我地系集中咗喺一个角落, 其他全部’吉’嘅, 浪费咗咁好嘅情调~ 有机会我地都会再黎食蓝贝~
张贴
