炊豕店 (加路連山道) (已結業)

之前问朋友铜锣湾有咩又抵又好食既餐厅，朋友推荐左炊豕店，亲今次系铜锣湾附近番工，决定收工黎试下有冇讲到咁好食。我地系晚餐时间7:30到达，出边大约有15个人排紧队，等左大约15分钟就有得入，今次试咗期间限定嘅黄金咸蛋燕麦猪扒饭、冲绳猪软骨饭同炸芝麻鸡翼。黄金咸蛋燕麦猪扒饭（$65）见系期间限定就试一试佢，冇谂过黄金咸蛋+燕麦+猪扒意外地好食。猪扒厚度适中，唔会好鞋，樱桃小嘴嘅女士都放到入口 。份量唔细，一男一女叫左少饭都够饱。冲绳猪软骨饭（$56）猪软骨饭既汁送饭一流，入边既萝卜同莲藕炆得好入味，萝卜好淋身而莲藕好爽脆，带出强烈嘅对比感。芝麻鸡翼（$26）鸡翼外脆内嫩，但怕热嘅朋友食果时就要小心啦，因为啱啱炸好既关系会比较热，有机会辣亲咀仔。跟餐可以加5蚊有饮品，叫左热柚子蜜同可乐，猪扒+可乐简直系perfect match。