影片
更多
2017-02-28
4073 浏览
平时身于九龙既我甚少同男朋友去中上环地方食饭, 今日系少有的拍拖纪念日, 男朋友早就book左呢间名称好好特色既高档中菜馆. 『礼宾府』呢个名真系令人觉得又奢望又特别, 平凡既香港人又点可能踏入礼宾府食晚饭呢? 🤔今晚可以去到呢间同政府官邸一样名既 - 礼宾府一尝晚餐, 真系个特别又难忘既日子! 😆😆😆位于安兰街18号, 毕打街既横街小巷, 其实都算几易揾!个人感觉呢度既装修格调好有西式设计, 😍偏黄既灯光配上一盏大大既水晶灯, 而墙上挂左几盏带住西洋帽子既灯做装饰, 时尚得黎不失气派!!! 👏🏻👏🏻👏🏻虽然感觉西式, 不过实际食食中菜为主, 尽展中西合壁既风格~~ 好有特色♥️餐牌既食材都用上高级材料, 如果想每款都可以品尝既叫set就最化算了$ 680 per personDinner Set都好款野食, 6款(主食)+炖汤+炒饭 & 甜品, 而且每款都用左上等既食材制作而成, 睇落价钱看似好高昂, 但品尝过后先知道绝对值得!!! 👍🏻先上枱既系迷你鲍鱼多士, 鲍鱼以多多士佐底, 小妹真系第一次🙈🙈🙈🙈鲍鱼唔系罐头鲍鱼而系新鲜鲍鱼😀厨师先用自家手法制作鲍鱼, 再放系青瓜&多士上. 鲍
『礼宾府』呢个名真系令人觉得又奢望又特别, 平凡既香港人又点可能踏入礼宾府食晚饭呢? 🤔
今晚可以去到呢间同政府官邸一样名既 - 礼宾府一尝晚餐, 真系个特别又难忘既日子! 😆😆😆
位于安兰街18号, 毕打街既横街小巷, 其实都算几易揾!个人感觉呢度既装修格调好有西式设计, 😍偏黄既灯光配上一盏大大既水晶灯, 而墙上挂左几盏带住西洋帽子既灯做装饰, 时尚得黎不失气派!!! 👏🏻👏🏻👏🏻
虽然感觉西式, 不过实际食食中菜为主, 尽展中西合壁既风格~~ 好有特色♥️
餐牌既食材都用上高级材料, 如果想每款都可以品尝既叫set就最化算了$ 680 per person
Dinner Set都好款野食, 6款(主食)+炖汤+炒饭 & 甜品, 而且每款都用左上等既食材制作而成, 睇落价钱看似好高昂, 但品尝过后先知道绝对值得!!! 👍🏻
先上枱既系迷你鲍鱼多士, 鲍鱼以多多士佐底, 小妹真系第一次🙈🙈🙈🙈鲍鱼唔系罐头鲍鱼而系新鲜鲍鱼😀
厨师先用自家手法制作鲍鱼, 再放系青瓜&多士上. 鲍鱼味道唔会十分抢味, 因为系鲜鲍鱼关系好有咀嚼感, 呢种口感相信只有新鲍鱼先可以做到!!! 😍😍😍👍🏻
而下面既多士炸得好透彻, 食落相当松化, 而中间夹杂住青瓜中和油炸既油腻口感, 夹埋一齐食真系好有层次, 真系令人好吊胃~~😋
燕窝全部都系燕窝.....燕窝酿鸡翼, 鸡翼酿入左满满既燕窝😳 切出黎内里全部都系燕窝, 真系冇花冇假嫁!!! 😃😃😃♥️
薄薄既鸡皮下包住燕窝, 食落真系令人觉得好满足! 鸡翼既味道都唔会好浓味, 因此唔系抢夺左燕窝既味道. 好好味道!! 可惜只系得1件有d唔系咁够喉😖
大大既碗装住既羊肚菌螺头炖汤, 除左有猪肉&羊肚菌之外仲有螺头, 入面真系好足料! ☺️👍🏻👍🏻👍🏻炖汤唔似一般既滚汤味道, 炖汤以隔水炖煮, 可以保留原有既营养, 而且饮落清而不淡, 有种令人一饮再饮既感觉😋😋😋
饮完炖汤之后就上左呢个以鲜蟹一齐制成既大良炒鲜奶, 炒鲜奶以半熟形态呈现眼前~ 食落相当之滑溜! ♥️👍🏻而且内里加入好多既鲜蟹肉, 食既时候真系可以夹到好大块既发蟹肉, 令炒鲜奶多左一份鲜味~ 👏🏻👏🏻👏🏻
如果想多层口感可以另加上蟹醋一同进食, 不过个人觉得加左留而会取夺左两耆原有既味道, 都系就咁食个味道更加令人难忘~~~~~😃
小妹真系好少出去食到好食既红烧炆花胶, 不过呢度个炆花胶真系令我一试难忘!!! ☺️☺️☺️花胶食落都几有厚度, 当然唔可以以千年花胶作比较, 但呢个口感而言真系唔错! 😋👍🏻花胶味浓, 食完个咀仲会浆到痴住~~真心觉得呢个花胶坚好食♥️
以安格斯既牛腩黎作南瓜烩安格斯牛腩, 真系有d似中西合壁既感觉, 呢个菜式好似已经煮左一定时间, 牛腩炆得好有火喉, 味道浓郁而且好软熟, 如果可以配上个白饭一齐食既话应该可以捞几碗饭!🤣
青翠既芥菜赡同佢个外貌有唔成正比~佢个样子睇落好似好硬但实质口感系带林身! 软身食外层不失芥菜赡既口感, 以高汤浸泡真系令芥菜赡提升左唔少层次! 👍🏻👍🏻😍
礼宾传炒饭以松露油炒起, 所以成个饭都充满著丝丝既松露香味除此之外呢个足料既炒饭仲有龙虾, 鲍鱼 & 金华火腿在内, 一个简简单单既炒饭都瞬间变成名贵炒饭! 😍♥️
龙虾肉 & 鲍鱼令粉饭多左一重鲜味 & 口感, 而饭粒炒得唔会太干身, 恰到好处, 如果可以既话比我食多2-3碗都完全唔成问题~真系好好味呢😋😋😋👏🏻
食完个炒饭都差不多接近尾声, 以鲜百合合桃露作为Ending… 合桃露浓杰适中而且甜度都唔会太过火~ 合桃味亦都唔算过浓, 不过黎到呢个位其实已经食得有点饱, 但同男朋友一边倾偈一边食著不知不觉都食到底了!! 😂
呢度既风格都系走高档路线, 而且食材都有返咁上下嫁!!! 真心好味道~~~
虽然对小妹而言价钱都比一般既高, 但如果纪念日黎呢度食个晚饭开心下都系一个唔错既选择! 一定会介绍比朋友♥️♥️♥️
张贴
