滿屋日本料理 (已結業)

谂住系港岛食日式放题，之前食咗大喜屋、碗屋，今次试下满屋。我嚟之前都系睇咗依度嘅食评，见唔系差就试下喇。一嚟到安排座位，唔系讲笑，真系俾佢吓一跳，估唔到疫情期间仲可以坐到大髀贴大髀咁滞（sorry，我讲紧系同隔离枱三九唔识七𠮶啲食客），一路食一路惊。算喇，揾餐厅经营困难，完全明白嘅。好喇，讲嘢食之前讲下落单，今时今日仲用纸嚟落单其实真系几怀旧，不过老实讲，从左右前后𠮶几张枱急惊怒骂咁催order就知咁样落单法，唔单止唔环保，仲会好易漏单（事实证明，我地落嘅寿司、刺身等咗成粒钟都只系嚟咗几款...)。如果啲嘢好食，咁等下都好应该嘅，可惜就唔系好得啰。鲍汁花胶我劝你就唔好嗌，因我有健全牙齿嘅都咬唔开，至于刺身我唔咁讲，我净系见到我隔离枱嘅小情侣成盘刺身食咗一两件就摆咗系度，仲要食咗唔够一个钟就走咗，我断估唔系好食得滞呱...去返个题目，我唔明嘅系，点解会有咁多好评，点解依间嘢仲可以咁多人帮衬，真系唔系好明。