十字冰室 (恆陞大樓)

营业中

休息中

公司附近有间用十字奶做主打嘅十字冰室，我由细细个就喜欢饮十字奶，因为佢奶味香浓，既然咁近有间十字奶做主打嘅冰室，梗系要去试下啦！依度有好多选择，三文治嘅蛋会用十字奶去煮，仲有好多怀旧午餐，例如鲜茄焗猪扒饭，肉酱意粉等等，我太耐无食焗猪扒饭，决定叫一个，再加支芒果木瓜十字奶。芒果木瓜十字奶有淡淡嘅芒果同木瓜味，真系两种味都饮得出架，同时亦有牛奶嘅香浓。至于个鲜茄焗猪扒饭，热辣辣，鲜茄酱好足，啱晒钟意捞饭嘅我。而猪扒有两大块咁多，而已好冧，真系有怀旧嘅味道。依度实在有太多十字奶嘅食物，我下次要再黎试下个牛奶炒蛋！