十字冰室 (恆陞大樓)

营业中

休息中

同朋友喺附近上完堂，去高街搵食附近都係偏貴價嘅餐廳，唯獨呢間比較平民唔少人嚟食lunch，等咗一陣位選擇比想像中多，唔係一般茶記食物有啲都幾特別，運入「十字奶」做菜式本身想試十字奶湯底海鮮湯飯🥛不過最後揀咗lunch set▶️ 鮮奶粟米汁火腿雞絲飯 ($66)白汁好creamy順滑😍有牛奶香甜甜地冇芝士反而冇咁滯同埋鹹入面唔少粟米粒🌽同粟米肉粒飯醬汁味道好唔同雞絲超淋，份量夠撈飯，不過係冇火腿既🤣揀咗白飯 (可選意粉)，飯質好食，似日本珍珠米配白汁超正！▶️ 吉列豬扒黑蒜油牛奶豚骨湯石鍋烏冬 ($78)塊炸豬扒大過手板🐷而且好薄脆同烏冬分開上，唔會浸淋烏冬用鍋上，保持溫度湯底濃厚，加入bb豆苗同香菇，帶少少青草味🌱▶️ 照燒雞扒炒滑蛋蓋飯 ($72)好靚仔！似足日本蛋包飯🐣個炒蛋濕潤，蓋過成個飯照燒雞扒厚切，啖啖肉▶️ 熱奶茶 味道正常，奶比紅茶味重☕️可自行加糖▶️ 懷舊美祿恐龍 (+$18)-好有質素嘅茶餐廳👍🏻賣相吸引，款式多又有創意佢仲有唔同口味嘅奶昔、十字牛奶特飲，有興趣可以試試🤣服務態度都好好，多人但唔會趕你仲主動俾櫈我哋放袋環境逼少少但乾淨，而且仲有插頭位性價比高，冇加一，學生仲有

叫咗佢個招牌火腿爆蛋菠蘿包，個包係熱嘅，不過個菠蘿皮係完！全！唔脆。上到枱已經腍哂，完全唔好期望係啱啱焗好嘅脆皮，佢應該放咗一段時間。腿蛋大路，不過隻蛋係完！全！唔爆，仲要老到，係好熟好熟。佢有另一款流心蛋，可能嗰款先爆。佢呢個招牌就不建議喇～～至於佢個紅豆冰，係驚喜～ 未飲過咁濃奶味嘅紅豆冰，雖然豆偏少，不過用十字牌奶真係唔同，所以食佢嘅十字牌嘢應該唔太伏。同埋唔好坐近門口位，呢排天氣熱，人多度門常開，等如露天食咁。

主打十字奶嘅茶記鋪頭係高街📍由正街搭電梯上去再向西邊街方向行會比較輕鬆🫡睇過佢餐牌覺得早餐同下午茶比較啱食😋除咗一般茶記嘅沙嗲牛 五香肉丁🍜, 呢間多啲懷舊特色野 飲品都多款揀早餐時段除咗抵食仲比較少人11:30前要去到啦!今次食咗牛奶豬骨湯肉丁米餐, $4X就已經有埋炒蛋🍳 火腿 多士🍞仲包熱飲💯真係平過一般大型連鎖茶餐廳牛奶豬骨湯好似係個signature🥹但就比肉丁蓋過咗 下次揀過第款再試!!😜野食質素同份量嚟講都同普通茶記差唔多🤔最出色係杯奶茶呀之前都聽fd講過呢度奶茶好飲 原來真係同其他好唔同好飲好多 飲1杯真係會唔夠喉!!呢個係下午茶餐🙈叫咗咸牛肉治🥪 宜家好似好少見啦 餐飲加錢($2X)叫咗木瓜milkshake🥤唔好以為就咁一份包唔飽😂份量好夠 4塊包都好厚 set原價~$4X 都抵食杯milkshake冇乜特別 亦都唔係特別大杯 屬於偏稀 飲完成杯都唔會好漏🤔對比起都係熱奶茶穩勝💯💯😛包類係其他時段都有得散叫 但就野飲都要散叫啦🫡個人認為早餐menu最多選擇又抵 為咗杯奶茶早起係值得㗎!!🥹餐廳座位都算多 不過有啲密🙈但我非繁忙時間去 所以上餐算快 staff都幾好禮

十字冰室係一個香港既老牌子冰室，我一路都有去開，但就通常係去銅鑼灣嘅分店。銅鑼灣嘅十字冰室我大約兩星期都會去一次，每次都覺得好好食。今日喺正街附近經過，正值肚餓嘅中午時分，就諗住同樣嘅十字冰室應該冇問題啦就入去食啦。點知叫開平時最愛嘅XO醬公仔麵、西多，居然咁都中伏。XO醬公仔麵炒得又唔乾身，又黐埋一舊。另外幫小朋友叫咗茄醬焗意粉，呢一個應該係最容易整㗎啦。但啲意粉都可以係冇味嘅所以，連小朋友都冇食過，成碟冇掂。最後蔥油髀飯，算係可以食得入口，但都稱不上好味嘅一碟。同行嘅朋友都有同感，第一次食一間咁唔好食嘅十字冰室。

由於西營盤實在沒幾間啱食的早餐(唔計快餐店)，所以一個月也有幾日來這裏食早餐。本來無打算為這打住「懷舊」、「香港情」的「冰室」寫食評，但今日的經歷實在是不吐不快。星期日早上，印單時間是8:56，等到同枱2位都食完麵餐，並在催單後才在9:18遞上烘燶麵包的「芝士咸牛肉炒滑蛋脆豬包」。切開個包，餡料中夾雜着黑色一點點，以為是黑椒，卻是鑊燶。其實我食緊嗰陣已經有人在外面等位，只可惜我份餐太遲先上，搞到阻住張枱交唔返出嚟，(仲可能俾人誤會我哋食完都唔走霸住張枱)後尾嗰幾個人無等到位就走了。Sorry啊我真係無心㗎，如果唔係等嘢食等咁耐我一定唔會佔住張枱。是時候另覓一個早餐地點了。

😌 早前去西營盤嘅時候，去咗幫襯一間香港牛奶廠牌嘅冰室食lunch～ 🍽 鮮奶白汁雞皇飯 😋😋😋😋睇相都知道有好多雞肉，啖啖肉 😚 白汁好輕盈滑溜，仲有洋蔥🧅香甜味～ 多汁多料，飯量超過一碗～ 非常飽肚！☕️ 奶茶 (熱) 😋😋😋😋😋佢哋自家嘅淡奶好輕身，同茶味好夾，而且相當幼滑～ 茶甘唔澀，係小編喜歡嘅口味～ ☺️午餐 💵💵 約港幣$70/人💁🏻‍♀️ 十字冰室喺九龍都有分店，店內有售玻璃樽裝鮮奶～ 本土農場嘅牛奶🥛 香港人一定要試下～

一坐低見到隔離枱啲通粉好似冇食過咁就話唔食比人收走咗，之後我哋就明點解😅我同男朋友叫咗一個雪菜肉絲米同一個沙嗲牛肉麵。雪菜肉絲米：雪菜少得誇張，湯又少，好似撈米咁，成個米粉都係冇味。 沙嗲牛肉公仔麵：呢個仲衰，啲麵一嚟到已經發哂，一啖都冇食過，牛肉又係得好少。炒蛋多士正常發揮，但比兩個麵搞到好嬲🙂之前食開銅鑼灣嗰間覺得好好食，呢間真係好差好差，同其他分店差太遠，以後都唔會再食呢間👎🏻👎🏻👎🏻

🐺🏮濃番茄湯雞扒公仔麵 配火腿炒蛋 9.5/10 $48個人認為十字冰室既早餐絕對有港島區top3 蕃茄湯非常香濃足料，有大量蘿蔔同番茄🥰 雞扒煎得皮脆肉嫩，佢地既炒蛋加咗十字鮮牛奶落去炒，所以特別creamy😋 飲品方面可以加錢轉樽裝十字牛奶或者奶昔，性價比非常高💯-#十字冰室 @hkcrosscafe 西營盤高街分店香港西營盤高街48-78號恆陞大廈地下12號舖

首先搵到呢間茶餐廳真係要夠閒, 攞部機對住谷歌地圖才尋到寶。一入去，就覺得人氣勁！我點咗份沙爹牛肉麵，勁香濃嘅花生醬味同嫩滑牛肉咬落超滿足😄。隔離枱嗰個生薑公仔麵都逗起我胃口，添上葱花蛋治疊得勁正，食落去喺口裏散發出溫柔嘅葱香，仲得意過睇劇集嘅plot twist喎！係塊葱花蛋治入面，啲蛋香厚道，好似係童年記憶裏嗰蛋治咁，好味到不得了。然後我又攞咗杯經典嘅奶茶紅豆冰，正！冰鎮到啱啱好，喺熱浪中給咗我清新一吓，尋日發夢都夢到佢😍。而家嘅天氣暖笠笠，飲落去真係咁滯👍。結實嘅話，呢度嘅食物質素、份量同服務都係咁好，下次一定仲要嚟繼續試其他招牌，例如嗰個菜脯葱花蛋飯，宜家諗起都流晒口水。對呢間茶餐廳，我只有一句：寫低地址，落雨都要走嚟再食！🍜🌧️🤤

今日又嚟到呢間茶餐廳，真係每次行過都忍唔住要入去食兩啖。🍽️牌子上嗰啲沙爹牛肉麵、葱花蛋治真係一絕，望落仲勁過拍檔電影。牛肉咬落去夠晒嫩滑，沙爹醬勁香，啖啖肉真係食到嗲咗。再嚟個葱花鹹牛治，熱辣辣嘅牛肉片夾埋香軟嘅雞蛋，多咗份屋企嘅味道，食兩塊都唔覺厭。餐單上雖然無寫素食，不過問咗老闆，佢話有得配，罕有嘅貼心。👍哥哥嗰個菜公仔麵加葱花蛋治，仲話好過屋企煮嘅！炎炎夏日，嗌咗個奶茶紅豆冰消暑，冰涼涼嘅感覺真心動人，紅豆份量仲多得滯，夠本！最正係，呢間茶餐廳雖然冇高大上嘅裝修，但係嗰份親民嘅味道同埋遮遮嘅笑容，就係本土最純粹嘅味道。下次，一定要再試下嗰個菜脯葱花蛋飯同埋佢嘅咖央多，咁正嘅小店，千祈唔好錯過啊！🥢🥤

我本身中意支持十字奶 本地牌子 以為佢開既冰室都會好好食 啲野好好飲我想提提你老闆 你如果睇到篇野 請你請過一班好啲既員工 由樓面、水吧、廚房，都睇唔到有用過心機去做。我諗你睇到既所謂奄列就知咩事，你expect會落啲十字奶去炒，錯喇！你地諗多左喇。係乾煎火腿蛋乍，奄列都不是呀！多謝$66丫 我買2隻蛋1塊火腿都係$8不如我煮番俾你食丫。認真！我自己煮都好食過佢。。。杯奶茶都係咁啦，無奶香味，茶都係咁，飲得落口囉。老細，你唔好浪費左個牛奶品牌，叫員工做好啲食物質素啦！（仲有我之前食豬扒，un到，見到隔離枱中學生塊魚，又乾又炸到偏黑，佢個餐$8x）我之前成日叫外賣出前一丁早餐，係好食，今次堂食咁差，應該無下次了。。。

好耐冇落西營盤啦，今日終於揾到機會試吓呢間戇直評價唔錯嘅食堂。頭先牙梗梗嘅時候見到佢嗰碗蕃茄湯通粉就知今日我揾對地方啦👌🏻！湯底嚟嘅時候，濃郁嘅蕃茄香味就撲鼻而來，一啖噏落去，恰到好處嘅甜酸味真係好滿足😋！牛肋條炆到鬆化得黎又唔會散架，跟住湯汁一齊食，真係幾有層次感。轉個角度嚟講吓佢個黑松露炒滑蛋，真係夠晒香！想唔到咁平易近人嘅地方都可以搞到呢種高檔貨色出嚟，滑嫩嘅蛋香加上微妙嘅松露味，真係一流🍳。至於嗰塊牛油多士，出爐嘅時候仍然係噴香，自家牛油醬係另一個highlight，食落去即刻覺得世界變得更美好。飲料部分呢，凍咖啡，呀，稍為甜咗少少，但豆香係真足，總括黎講，係值得一試。十字冰室，你下次都唔好話我唔記得你呀！👍🏻

星期日中午3點左右入座，基本上唔洗排隊，餐廳唔算多人，樓面坐位一般唔太寬敞，不過裝修同設計都幾有心思。叫咗一個即叫即炸嘅超大蟹柳加蛋黃醬薯條，蟹柳炸粉有少少鬆散同太油，不過係新鮮炸起加味道唔錯 。個人唔太喜歡薯條太粗。另外叫咗一碗蔥油雞翼撈公仔麵，蔥油味勁香，雞翼熟度啱啱好嫩口，不會太熟令到肉質太硬。牛油咖映多士有驚喜，超多牛油，食落唔會太膩，少少甜，多士夠脆唔太燶，十分推薦。美祿紅豆冰牛奶味較重，美祿唔夠濃，鐘意奶味嘅朋友可以一試。

基本上每次都會食呢度嘅咖喱 肉可以揀🐔🐮🐷 又可以揀飯或者意粉 大大碟 返工唔怕餓親啊首先外貌好好睇📸 所謂色香味俱全 然後成日碟基本上都滿晒食物 意粉份量好夠 咖喱汁多個半隻碟 牛肋條都有好多舊 煮到好淋 肉質好鬆軟 仲有少少牛筋 口感豐富 另外上邊仲有啲芫荽 辣椒粒 同一啲蔬菜 小編都唔知咩嚟🤣 但幾好食既 成盤撈埋一齊 作為打工仔嘅中午飯啦 一定有多無少 飲品方面 呢度都係高身杯 但就用上不鏽鋼 感覺同出邊嘅茶餐廳膠杯有少少唔同 😛

歡迎follow IG @eatwifme2k23 睇更多❣️throwback返去上個月尾↩️今次去食十字冰室！聽講同十字牛奶關事🫣原來佢喺西環有分店，呢日男朋友帶我去食，雖然作為茶餐廳，佢嘅定價略嫌過高🥺但嘢食都幾唔錯，至少冇附近啲cafe咁貴？（齋睇呢樣其實已經贏咗一堆餐廳😮‍💨）✂︎-----㋖㋷㋣㋷線-----✂︎1️⃣ 焗三式芝士肉醬意粉 ($68)本人味覺遲鈍，食唔出三種芝士，只係知道佢落咗好多芝士😂肉醬鋪滿晒成個麵餅，好興奮喔！係食到肚漲嘅一間店🤰🏻肉醬意粉愛好者絕對收貨🍝🍝2️⃣ 焗芝士牛肋條飯 ($78)如果冇記錯，呢個係個咖喱飯🫣第一次見到芝士加咖喱飯呢個組合wowow幾有趣！味道都幾夾，芝士都落得非常大方，好評🆙牛肋條都幾肥美，普通食量戰士食完應該會幾飽😙✂︎-----㋖㋷㋣㋷線-----✂︎以茶記嚟講其實小貴，但睇在佢份量頗足+食材幾有誠意，如果唔想食附近啲港女cafe都會過去幫襯佢😗同埋睇餐牌時覺得佢哋啲招牌嘢飲幾吸引，可惜當日冇乜時間都冇乜胃口試埋佢，下次試下佢哋嘅蕃茄湯麵（蕃茄腦袋出沒注意‼️）同埋特飲先～🥰