湄南 (已結業)

可能男仔都比较钟意食硬野，家住将军澳站附近，有时觉得想喺附近食晚饭，除咗一啲大集团式经营店以外冇乜其他另类美味选择。近来发现原来天晋二期新开商场pop walk 有一系列食店，而呢一间个海南鸡饭就变成左我喺将军澳最钟意既选择喇！一睇就知个portion其实几大份，啱晒我。只鸡好肥美滑溜，个酸辣酱同埋个姜酱都好好味，记得点。重点系附送𠮶个汤，有青红萝卜猪骨鸡脚南北杏雪耳眉豆，超足料(我觉得应该冇味精)，百喝不厌！之前来过几次都系饮同一款汤，我谂佢应该系唔会转嘅指定汤品(千祈唔好转呀！好嘢系唔使成日转！)个海南鸡饭埋单$80都唔使，就算夜晚食饭都系冇加一服务费，的确系区内一间好味又平实嘅餐厅。无论一个人或一班人去食都系一个好选择。如果你系午饭时间见到有个平价海南鸡饭，我都建议你选择menu单点比较贵那个。因为lunch set系冇𠮶个靓汤同埋鸡嘅份量系会比较细。海南鸡饭一直系我嘅至爱之一。另外我亦都系鲗鱼涌食开一间海南鸡饭好正嘅地方，如果你都想知道就立即click我另一篇文章啦。