Route 83 (Silicon Lane)

营业中

休息中

我平时喺大埔食开嘅Route 83竟然喺白石角开咗分店，梗系同男朋友去试吓啦～呢间分店位于一个新嘅屋苑下面，餐厅环境十分舒适🥰我哋夜晚去到佢有set dinner，所以我哋都一人叫咗一个～我就叫咗手打安格斯汉堡（自选菠萝) ($92)～另外仲加咗$10转黑松露薯条～Burger本身都好厚，啲材料好丰富，尤其是加咗菠萝更加可以平衡返当中嘅腻感🥰佢嘅薯条系粗薯条嚟嘅，配埋个酱好好食～另一个就叫咗半份香草烧鸡配芝士焗薯 ($99)～鸡烧得非常juicy，份量都唔少～仲有啲沙律伴菜😆本身set dinner亦都配咗一个汤，今日就系忌廉烟肉汤～同埋都可以叫普通饮品，我哋就加咗钱叫特饮😆一杯系榛子朱古力，味道好浓，而且又唔会好甜～而另一杯系玫瑰奶茶，好香嘅玫瑰味，上面仲有花瓣添！而我哋觉得未够满足，就叫多咗个食肉兽pizza ($95），佢系薄批嚟嘅，配料都唔少，好惹味😆今餐食得好满足，亦都觉得佢同大埔𠮶间嘅水准一样，完全冇失望！