君悅咖啡廳

营业中

休息中

今日系第一次来咖啡厅食饭，之前帮衬过君悦茶园，感觉两间水准都好高。之前睇过啲美食视频介绍感觉无咁多嘢食冻海鲜无螺和面包蟹，长脚蟹和龙虾钳都ok，其他就无点试西式区域墨西哥慢煮牛肉馅饼，都几好食啲牛肉都几嫩，另外炸牛肉都几好食，但系个波兰饺子比较麻麻烧烤区有烧牛肉、羊架、波罗、大虾等等另外仲有一啲配菜。呢度嘅烧牛肉十分出色但今日提供嘅T骨扒更加有肉味，可惜发现得迟食得几块海南鸡饭听讲系招牌菜，因为我无配饭食感觉普通（鸡系好食嘅）但我妈妈话个饭非常好食建议大家配饭食好啲中式食品今晚系海鲜，至于乳鸽系正常炸乳鸽，和视频介绍有啲分别但都好食（有少少失望）今日无炖汤（视频有）不过汤都好饮，至于海鲜粥好足料和入味，我食咗两碗重点推介炒龙虾，好似出面酒楼食嘅上汤龙虾，我唔食冻龙虾都系留肚食呢个另外仲有啲天妇罗和粉面档普通嘢就不作介绍，而西式冷盘嘅烟三文鱼和茶园一样系厚切，芝士方面唔见有篮芝士又唔见有凯撒沙律，但平均而言系高水准自助餐（或者我要求低）但睇返之前啲食评以前啲水准应该更高，至于口味上比较适合老人家我应该会再来