桂花小幸 (將軍澳廣場)

营业中

休息中

又再一次黎到桂花小幸，因为性价比实在太高，又近，所以就成为左我嘅食堂。红烧牛筋三宝台湾面继续encore我个三宝，牛筋、牛腩、同牛肚，分量多又抵食。红烧汤底系世一，牛腩炆到好软熟，牛筋牛肚非常爽口。上汤云吞鸡鸡肉嫩滑，云吞皮薄肉嫩，个汤底饮落仲有淡淡嘅鸡味。今次我仲升级左个套餐做炖汤，出街食饭要饮汤其实真系好难，唔系好多餐厅有。另外仲叫左个椒盐花枝丸，大大粒，有嚼口又弹牙。最后仲叫左2杯台式野饮，质量同出面专门卖台式饮品嘅店铺差不多，食物可以叫埋，非常方便。