裕鵝莊 (已結業)

疫情关系，香港人已经好少出去堂食了，今日同朋友谂住行下尖沙咀，买下嘢，影下相，行过呢头，本应打算食隔离间茶记算了，两间都大把位，我多手过咗隔离揭下个餐牌，睇下有乜食啦，佢门口个姐姐就行过嚟介绍一下菜单有乜食，咁我见佢都几nice，反正又无乜特别想食啲乜，就入去食下烧鹅啦，见你呢间招牌打正牌头食烧鹅……点知(好失望啰)😥😥😥😣😣😣我今次叫个双拼餐(烧鹅拼叉烧)，我朋友就叫咗(烧鹅拼烧腩仔)，两个餐上到嚟简直有天渊之别，首先上菜嚟到卖相好靓仔，呢个要值得一赞👍(下面有相睇)，但系一夹开，我碟烧鹅全部皮包骨咁滞😤😨，点食呀…😑我以为我叫错咗食烧鹅两食添，呢碟系将啲起咗肉嘅骨炒多碟比我😟,又或者叫错碟片皮鸭添，净系比我食层皮，好彩我重有叉烧嚟𩠌饭，大哥双拼都唔系咁上上比客人呱! 呢舖真系千年道行一朝丧，就算你做得几咁出色，门口姐姐几咁有礼落力帮你sale客入嚟，但对客人嚟讲第一个印象入嚟食完已经无打算再嚟食了🤦‍♂️，我谂做老细嘅都唔想无返头客呱，希望公司高层睇到我嘅食评会叫斩烧味嘅员工留意一下吧…!