川粵米線大王 (已結業)

对于唔中意系POLY CANTEEN食野既我地黎讲 川粤变左系我地既私家CANTEEN呢度既麻辣同川王比起上黎冇咁麻 辣度差唔多 坐就坐得舒服好多亦都好干净 价钱方面亦都好大众化 仲有部电视 如果唔系繁忙时间 同朋友系度坐耐D倾下计都冇问题同同学每次黎都系食口水鸡米线 佢有少少花生碎 但系个味好轻 其中一位同学平日闻倒花生味想呕 但都好钟意食呢度既口水鸡 辣度方面建议第一次黎既先试小辣 平日食开辣既就食中辣先 唔好一黎就大辣 见过有人叫左大辣之后笔番成杯辣椒出黎..浪费哂 鸡系雪鸡当然唔好期望有好重鸡味咁 但系调味方面搭救 25蚊一碗米线 晚饭时段前会包埋野饮 咁既价钱黎讲食物当然系超值 除左米线之外其他小食都唔贵 凉菜好似红油抄手等会全日供应 但系如果想食热川菜就要等晚市喇老板娘系好好人既四川人 我地中意食鸡胸同佢讲声佢会帮我地特别写低 冇咁忙果阵会坐低埋一齐吹下水 永远唔会催你食快d赶你走 呢间野舖位唔大 如果系正常饭餐时间黎多数都会满左 要系出面等一阵 老板娘话准备系附近开分店揾紧舖位 到时我地班长期食客就唔使成日等喇