影片
更多
2018-11-17
109 浏览
咁大家好啦咁我系德仔老豆。呀叔我曾经同一位女生去过土耳其，坐过热气球，行过大巴扎，去过纯真博物馆。早几日发梦梦见佢，起床鼻子一酸，心谂我可能冇咩机会再同佢去土耳其，但去食餐土耳其菜都聊胜于无。两个人，唔洗谂就叫左set dinner啦。前菜系沙律，菜加上少少带土其耳风味的酱。摆盘都几令人眼前一亮，只碟放系木头上（我特登索过系有木香的），咁靓梗系影返张相先啦。餐厅仲送埋扁豆汤（个menu冇架），汤的豆香味浓，又食到啖啖豆蓉，真材实料的。呢个特色小食我都觉得唔错，系以烤茄子为主调，配上薯条、薄饼、杂菜。茄子烤得入味，加上茄汁同沙律汁等等食落都好开胃。到食呢个main course，我食到想哭了，有种返到土耳其的感觉。我望住呢只放sauce的碗仔，想起当年系大巴扎比人㓥到一颈血的故事......咁有人想知我再讲啦。其实呢个碗仔都系10里拉就有5只，都几平，加上近来美国屈土耳其机搞到里拉大跌，相信依家5里拉会买到10只。大家可以睇下只碗上面有好多邪眼，佢地学名系evil eye，系防止妒忌力量的图案。虽然我唔知点知土耳其人防得咁偏门净系防妒忌，但ok啦都系保你平安的。ok真系讲返个主菜，其实最
呀叔我曾经同一位女生去过土耳其，坐过热气球，行过大巴扎，去过纯真博物馆。
早几日发梦梦见佢，起床鼻子一酸，心谂我可能冇咩机会再同佢去土耳其，但去食餐土耳其菜都聊胜于无。
两个人，唔洗谂就叫左set dinner啦。
前菜系沙律，菜加上少少带土其耳风味的酱。摆盘都几令人眼前一亮，只碟放系木头上（我特登索过系有木香的），咁靓梗系影返张相先啦。
餐厅仲送埋扁豆汤（个menu冇架），汤的豆香味浓，又食到啖啖豆蓉，真材实料的。
呢个特色小食我都觉得唔错，系以烤茄子为主调，配上薯条、薄饼、杂菜。茄子烤得入味，加上茄汁同沙律汁等等食落都好开胃。
到食呢个main course，我食到想哭了，有种返到土耳其的感觉。我望住呢只放sauce的碗仔，想起当年系大巴扎比人㓥到一颈血的故事......咁有人想知我再讲啦。
其实呢个碗仔都系10里拉就有5只，都几平，加上近来美国屈土耳其机搞到里拉大跌，相信依家5里拉会买到10只。
大家可以睇下只碗上面有好多邪眼，佢地学名系evil eye，系防止妒忌力量的图案。
虽然我唔知点知土耳其人防得咁偏门净系防妒忌，但ok啦都系保你平安的。
ok真系讲返个主菜，其实最主要系鸡肉好嫰滑有肉汁，你唔好以为呢d野系必然呀！
土耳其系伊斯兰教国家，处理肉类的时候系要念经同放血，所以我当年系土耳其食个d肉系好干的。
呢个juicy加上有特别酱汁的main course我就食得好满足啦！
最后上返杯咖啡，可能你会问我点解唔叫turkish tea或者coffee，我觉得饮埋就会回忆更多野，例如系水烟馆同佢饮住野chill到天光...所以点到即止就算了。
最后chef仲送埋龙须糖，个样咁诡异可能因为万圣节咁啱过左！整体我都觉得唔错，下次有机会会试返d更土耳其的菜！
张贴
