王家沙 (已結業)

卖甩老公，同好朋友去食上海菜上海菜中，我最爱的系小笼包，又一城呢一间王家沙真系有细食到大，之前装修过！ 感觉店面光鲜左！ 因为系星期五晚人流都几多，我哋要等三张枱先入到，依稀记得平日唔使排队。一坐低佢就叫我点菜，我哋点左小笼包，炸馒头，同埋鸡丝粉皮！ 小笼包皮薄馅靓！ 多汁浓郁！ 薄都见到入边啲汤！ 朋友知道我好钟意食，特登让我食多粒！ 人生有个真正朋友的确好极！ 鸡丝粉皮一如既往地开胃，不过份量比较少，一人一啖已经冇晒！ 炸馒头新鲜炸起，上台𠮶阵已经热辣辣！ 配上好好味嘅炼奶！ 不过整体感觉已经冇细个食𠮶啲咁好味，可能人大左要求高咗！