車仔麵之家

营业中

休息中

自从冇响金钟返工之后，都好耐冇帮衬啦，偶然去开𠮶头，都会专登去帮衬返碗车仔面。今日又去咗帮衬啦。叫嘅系鱿鱼甜酸斋猪红菜心米粉，堂食。企响度慢慢食。店员做嘢系快靓正嘅，节奏快促，但系都好有礼貌同友善。咖喱鱿鱼系镇店之宝，相信都唔驶我多讲，仍然维持高水准，非常好味啊，其他餐厅真系绝无仅有。甜酸斋系用心之作，比起好多斋舖卖嘅更有水准，唔会一味软淋淋咁样。猪红好入味又够滑，菜心够嫩亦都俾得慷慨，米粉嘅份量都唔少。整体来讲，系快快脆又令人心满意足嘅一餐。口味人人唔同，然而呢间的确系我心目中多年以来车仔面嘅no.1。如果顺路去开𠮶头，我都会继续帮衬。此外，唔知系咪因为天气热，午膳时间条排队人龙好似比以前短咗好多。请大家都同我一样，多多支持有诚意嘅小店啦。