影片
更多
2018-10-21
2743 浏览
又到食大闸蟹嘅季节喇！今年有好多地方都未有大闸蟹送到，揾咗好几间先揾到Holiday Inn嘅中菜厅有得食。我哋预早订定个大闸蟹套餐，都几丰富架。先黎个蟹肉鸡蓉燕窝羹，蟹肉都算多，亦食到蟹嘅鲜味，加埋燕窝嘅口感，都唔错呀。跟住就一人一只蟹粉小笼包，我只小笼包上枱时已经穿咗个窿喇😩d蟹油流晒出黎，咬落去已经无乜汤，再加上唔系好食到有蟹粉，只系一只普通嘅少笼包，好失望呀。主角大闸蟹送到！满心期待咁打开个蟹盖，哗，我最爱嘅蟹膏呀！先试一啖蟹膏，好鲜味呀！再加少少醋，带出鲜甜嘅味道，又更有层次。食完蟹膏再拆蟹肉黎食，慢慢细味只蟹，好鲜，好甜呀！蟹脚都系饱满架！花雕蛋白蒸虾球都唔错，虾球有淡淡嘅花雕嘅香气，唔会太过抢，蛋白亦蒸到好滑，清清地都唔错㖞。下一道蟹皇酱吉列龙趸块就无咁出色喇。蟹皇酱的确好香，好味，不过配上吉列嘅食物就将蟹皇嘅香气同味道盖过咗喇。我自己就一汤匙蟹皇配少少醋黎食，好味得多呀！至于香槟汁海皇蟹粉焗饭都不错，有虾肉同蟹粉配焗饭，都几香。最后就到甜品喇，黑糖姜茶汤圆。姜嘅辣味好劲，饮一啖都已经好辣，而我两粒汤圆其中一粒有少少生，实在系可惜，未能为大闸蟹餐画上一个完美嘅句号。
今年有好多地方都未有大闸蟹送到，揾咗好几间先揾到Holiday Inn嘅中菜厅有得食。
我哋预早订定个大闸蟹套餐，都几丰富架。先黎个蟹肉鸡蓉燕窝羹，蟹肉都算多，亦食到蟹嘅鲜味，加埋燕窝嘅口感，都唔错呀。
跟住就一人一只蟹粉小笼包，我只小笼包上枱时已经穿咗个窿喇😩d蟹油流晒出黎，咬落去已经无乜汤，再加上唔系好食到有蟹粉，只系一只普通嘅少笼包，好失望呀。
主角大闸蟹送到！满心期待咁打开个蟹盖，哗，我最爱嘅蟹膏呀！先试一啖蟹膏，好鲜味呀！再加少少醋，带出鲜甜嘅味道，又更有层次。食完蟹膏再拆蟹肉黎食，慢慢细味只蟹，好鲜，好甜呀！蟹脚都系饱满架！
花雕蛋白蒸虾球都唔错，虾球有淡淡嘅花雕嘅香气，唔会太过抢，蛋白亦蒸到好滑，清清地都唔错㖞。
下一道蟹皇酱吉列龙趸块就无咁出色喇。蟹皇酱的确好香，好味，不过配上吉列嘅食物就将蟹皇嘅香气同味道盖过咗喇。我自己就一汤匙蟹皇配少少醋黎食，好味得多呀！
至于香槟汁海皇蟹粉焗饭都不错，有虾肉同蟹粉配焗饭，都几香。
最后就到甜品喇，黑糖姜茶汤圆。姜嘅辣味好劲，饮一啖都已经好辣，而我两粒汤圆其中一粒有少少生，实在系可惜，未能为大闸蟹餐画上一个完美嘅句号。
张贴
