新鹿鳴居

营业中

休息中

食埋依餐美味外卖后，听朝晨早飞美国挨苦，三星期后先返港喇。白灼东风螺，质数稳定，鲜甜味美，只有 encore 无甩拖。灼一灼、热腾腾送到，好 juicy 呢！八珍豆腐煲，从未叫过今次专登试一试。有豆腐干、虾球、鱿鱼、肉片、白菜仔、冬菇、草菇、猪润。不过不失大什会，咩都有啲咁啦。鱼香茄子加辣，𪠳！都无加过辣既，同平时一样。味道质数依旧，好好味呀！茄子软棉滑溜热辣辣，咸鱼肉松够惹味，多多汁香浓味美捞饭首选！晓厨最低限度要追到鹿鸣居鱼香茄子既 level 先得呢。福建炒饭，都系第一次试，抵食夹大件！炒饭底劲又香又有镬气，炒得粒粒干爽饱满，配上大量美味酱汁正到痺！菜粒、鱿鱼粒、虾仔、元贝、肉丝混于厚薄得宜酱汁之中，加埋炒饭点停得口呢。新食法！鱼香茄子捞福建炒饭 cocktail，多汁捞多汁味道都唔差架㖞，好得意㖞！刚才想 order 土鱿蒸肉饼捞饭架，但唔记得左添。再见喇，羊年先见。