川之味麻辣米線 (已結業)

我住太子既，我去地铁站就系必经之路，每次路过都闻到好香既麻辣味，啲口水自然会流晒落黎。我仲记得第一次去时乜都唔识就咁叫小辣我都已经辣到pk😭(我唔食得太辣)。而且份量又多，次次都食唔晒。即使叫小米，个份量饱到可以顶到大半日，后来日日食都养到三个月身孕。而且入面有个呀姐啲态度真系唔系个个顶得顺，一开始真系劲唔钟意呢个呀姐，但去得多佢自自然然都记得我，仲会同你讲下笑，虽然忙果时佢都系会粗声粗气，但已经习惯左，都体量佢地真系由开工到收工好似都系同一班呀姐系都几辛苦既事黎。所以佢地逢星期日休息😠，好唔开心星期日冇得食川之味😠。最后我觉得佢地啲鸡翼(无论辣唔辣都外脆来软 )，炸鱼皮(超级香口冇乜油味)，猪软骨(冇牙婆婆都食到)，萝白(冇渣又滑)，同酸菜(唔会好咸又唔会过酸)都超级好食，食过好多间都食唔返呢个水准。酸辣汤底虽然少啲人叫，但其实都好好味，尤其夏天食就一流。叫得饭堂，就真系超级好食，食极都唔厌，而且有时下午食完真系夜晚都想再食，而且食惯左呢间，食其他乜哥果啲米线真系食得唔开胃。